Nagpur Crime Against Woman: मैत्रिणीला प्रेमाचा जाळ्यात ओढून तिच्यावर अत्याचार करीत, तिचे फोटो व्हायरल करण्याची धमकी देणाऱ्याविरोधात पोलिसांनी गुन्हा दाखल केला आहे. प्रशिक अविनाश झोडापे (वय २४, रा. अंबाझरी टेकडी, बुद्ध विहाराजवळ) असे आरोपीचे नाव आहे.

पोलिसांनी दिलेल्या माहितीनुसार, वीस वर्षीय पिडितेची आणि प्रशिकशी २०२१ मध्ये ओळख झाली. त्यानंतर दोघेही एकमेकांच्या प्रेमात पडले. यादरम्यान त्याने युवतीला घरी नेऊन तिच्यावर अत्याचार केला. तिला लग्नाचे आमिष दाखविले. त्यानंतर तिचे अश्‍लिल फोटो काढून ते व्हायरल करण्याची धमकी देत, लग्नास नकार दिला. त्यावरून पोलिसांना दिलेल्या तक्रारीवरून प्रशिक विरोधात गुन्हा दाखल केला असून तपास सुरू केला आहे. (Latest Marathi News)