Nagpur Crime: वाडी पोलिस ठाण्याच्या हद्दीत असलेल्या डिफेन्स क्वार्टर परिसरात मोटारसायकलवरून येणाऱ्या दोघांनी गॅस कंपनीच्या व्यवस्थापकावर हल्ला करून साडेबारा लाखांची रोख लुटण्याची घटना समोर आली होती.

याप्रकरणी पोलिसांनी दोघांना अटक केली असून त्यापैकी एक जण कंपनीतील माजी कर्मचारी असल्याची बाब तपासात समोर आली आहे. हर्षल रोशन मेश्राम (वय २० रा.नवनीतनगर) व त्याचा मित्र मोहम्मद इमरान उर्फ इम्मू इब्राहीम शेख (वय २९ रा.आठवा मैल),अशी अटकेतील लुटारूंची नावे आहेत. हर्षला हा गॅस कंपनीचा माजी कर्मचारी असून, इम्मू हा गुन्हेगार आहे.
४ डिसेंबरला वाडीतील डिफेन्स क्वॉटर्र परिसरात काठीने वार करून मोटारसायकस्वार लुटारूंनी सिद्धार्थ सुखदेव यांच्याकडील रोख हिसकावली.

याप्रकरणी पोलिसांनी जबरी चोरीचा गुन्हा दाखल केला. सीसीटीव्हीच्या आधारे पोलिसांनी शोध सुरू केला. याप्रकरणात हर्षलचा समावेश असल्याची कुणकुण पोलिसांना लागली. पोलिसांनी त्याला अटक केली. इम्मूच्या मदतीने लुटपाट केल्याचे त्याने मान्य केले. नंतर पोलिसांनी इम्मूलाही अटक केली. लुटपाटीसाठी दोघांनी चोरीच्या मोटारसायकलवर वापर केला. लुटपाटीनंतर ही मोटारसायकल धरमपेठ परिसरात सोडून दोघेही पसार झाले होते. (Latest Marathi News)