Nagpur Boy Died By Drowning: गोंड पिंपरी तालुक्यातील कुलथा येथे महाशिवरात्रीनिमित्ताने नदीपात्रात अंघोळ करावयास गेलेल्या तरुणाचा बुडून मृत्यू झाला. ही घटना शनिवारी (ता. ९) दुपारी एक वाजताच्या सुमारास घडली. धानापूर येथील आकाश शेडमाके (वय २३), सोमनाथ गेडाम, गणेश मरसकोल्हे, तन्मय मडावी हे आज कुलथा येथे यात्रेत गेले होते.

मंदिराजवळ पाणी कमी असल्याने ते दूरवर नदीपात्रात अंघोळ करावयास गेले. दरम्यान, आकाश पाण्यातच बेपत्ता झाला. घटनेची माहिती कळताच ठाणेदार रमेश हत्तीगोटे, पीएसआय मोगरे घटनास्थळी दाखल झाले. आकाशची शोधाशोध सुरू असताना तब्बल दोन तासानंतर त्याचा मृतदेह सापडला. या घटनेने परिवारात शोककळा पसरली आहे. (Latest Marathi News)