Increase in Lemon Price: अद्रकाच्या पाठोपाठ आता लिंबाची होणारी आवक घटल्याने आणि उन्हाळ्याच्या तोंडावरच किरकोळ बाजारात एक लिंबासाठी दहा रुपये मोजावे लागत आहे. ठोक बाजारात १०० लिंबासाठी ४०० ते ५०० रुपये द्यावे लागत आहे. लिंबाची दररोज दीड ते दोन हजार गोण्यांची आवक होत आहे.

पूर्वी ही आवक अडीच ते तीन हजार गोण्यांपर्यंत होती. पावसाने हजेरी लावल्याने भाजी पिकांना नवसंजिवनी मिळाली. स्थानिक नजिकच्या बाजारातूनच मोठ्या प्रमाणात भाज्यांची आवक होत आहे. परिणामी, टोमॅटो, कोथिंबीर, आंबा, फुलकोबींची आवक वाढलेली आहे. या सर्वच भाज्यांच्या भावात प्रतिकिलो १० ते २० रुपयांची घसरण झालेली आहे.

सध्या संगमनेर, नाशिकसह स्थानिक बाजारातूनही टोमॅटोची आवक सुरू आहे. याशिवाय फुलकोबी, कोथिंबीरची स्थानिक शेतकऱ्यांकडून आवक वाढलेली आहे. ही स्थिती काही दिवस राहणार आहे. पुढील महिन्याच्या १५ तारखेनंतर भाज्यांच्या दरात वाढ अपेक्षित आहे असे महात्मा फुले भाजी विक्रेता असोसिएशनचे पदाधिकारी राम महाजन यांनी सांगितले. (Latest marathi news)

भाज्यांचे प्रतिकिलो भाव (ठोक बाजार)

वांगी - २० रुपये

हिरवी मिरची - ३५ रुपये

कोथिंबीर - ३० रुपये

टोमॅटो - १५ रुपये

फुलकोबी - २० रुपये

पानकोबी - १५ रुपये

कारले - ४० रुपये

ढेमस - ५० रुपये

शिमला मिरची - ५० रुपये

वालाच्या शेंगा - ३० रुपये

चवळीच्या शेंगा - ३० रुपये

गवाराच्या शेंगा - ४० रुपये

कोहळे - १५ रुपये

दुधीभोपळा - १० रुपये

पालक - १२ रुपये

मेथी - ४० रुपये

आंबे - ६० रुपये

फणस - ४० रुपये

दोडके - ४० रुपये