नागपूर : बिनाकी व इतवारी उपविभागात महावितरणने वीज चोरी करणाऱ्यांविरोधात मोहीम राबविली. त्यात ४७ जण वीज चोरी करताना आढळले. त्यांच्यावर करावाई करण्यात आली. वीज बिल न भरणाऱ्या ११ ग्राहकांचा वीज पुरवठा खंडित करण्यात आला.

इतवारी उपविभागात मोमीनपुरा वितरण केंद्रांतर्गत पोलिस बंदोबस्तात वीज चोरी व वसुली मोहीम राबविण्यात आली. यावेळी २० वीज चोऱ्या पकडण्यात आल्या. त्यांच्यावर कलम १३५ नुसार कारवाई करण्यात आली. तसेच थकबाकी असणाऱ्या ८ ग्राहकांचा विद्युत पुरवठा खंडित करण्यात आला. यावेळी एकूण ५ लाख रुपयांच्या वीज बिलांची वसुली करण्यात आली.

बिनाकी उपविभागात वीज चोरी करणाऱ्या २७ जणांविरुद्ध कारवाई करण्यात आली. थकबाकी असणाऱ्या ११ ग्राहकांचा वीज पुरवठा खंडित करण्यात आला. तसेच मोहिमेत ९ ग्राहकांनी १ लाख २४ हजार रुपयांचा भरणा केला. ही मोहीम अतिरिक्त कार्यकारी अभियंता अविनाश तुपकर यांच्या नेतृत्वात अभियंता शशांक डगवार, सतीश होगे, सुबोध मंडपे, होमराज पाटील आदींनी पार पाडली.