नागपूर - धम्मचक्र प्रवर्तनदिनासाठी दीक्षाभूमीवर लाखो बौद्ध अनुयायी येणार असून यात विदेशी अनुयायांचाही समावेश आहे. या विदेशी अनुयायांना नागपूरची श्रीमंती, सौंदर्य दाखविण्यासाठी महापालिकेने तयारी केली आहे. दीक्षाभूमीवर मोठा एलईडी स्क्रीन लावण्यात येणार असून त्यावर शहराच्या वैशिष्ट्यपूर्ण माहितीसह येथील रस्ते, उड्डाणपूल, हिरवळ, तलाव आदी २४ तास दाखविले जाणार आहे.

येत्या २४ ऑक्टोबरला धम्मचक्र प्रवर्तनदिनानिमित्त दीक्षाभूमीवर भीमसागर उसळणार आहे. त्यादृष्टीने महापालिकेने सुविधांची तयारी पूर्ण केली आहे. तात्पुरते, फिरते शौचालये, नळ, वैद्यकीय सुविधा, अग्निशमन यंत्रणा आदी उभारली आहे. धम्मचक्र प्रवर्तनदिनानिमित्त देशातीलच नव्हे तर

विदेशी अनुयायी अनुभवणार उपराजधानीचे सौंदर्य!

जपान, थायलंड, श्रीलंका, म्यांमार या देशातूनही बौद्ध अनुयायी दिक्षाभूमीवर येणार आहेत. दरवर्षी विदेशी बांधव येत असून वर्षभरात शहराचा चेहरामोहराही बदलला आहे. नागपुरात मार्चमध्ये जी-२० परिषद झाली. त्यानिमित्त शहराची सजावट करून रस्त्यांवर आकर्षक रोषणाई, सौंदर्यीकरण, आकर्षक कारंजे, ठिकठिकाणी फुलझाडे लावण्यात आली होती.

नाल्याच्या भिंतीही लक्षवेधक ठरल्या होत्या. एकूणच शहर नववधूसारखे सजविण्यात आले होते. यातून शहराचे सौंदर्यच नव्हे तर श्रीमंतीही खुलून दिसली होती. याकाळात महापालिकेने व्हिडीओ तयार करून नागपूरचे सौंदर्य, श्रीमंतीचे जतन करून ठेवले आहे. आता हेच व्हीडीओ दाखविण्यासाठी महापालिका दिक्षाभूमीवर मोठे स्क्रीन लावणार असून जगभरातून आलेल्या नागरिकांना शहराचे सौंदर्य अनुभवता येणार आहे.

महापालिका सज्ज

यंदा धम्मचक्र प्रवर्तनदिनासाठी जगभरातून येणाऱ्या ८ ते ९ लाख बौद्ध बांधवांच्या विविध सुविधांसाठी महापालिकेची तयारी अंतिम टप्प्यात आले. दिक्षाभूमीवर साडेसहाशे कर्मचाऱ्यांची व्यवस्था करण्यात येणार असून परिसरात ९०० अस्थायी शौचालये, प्रत्येक तीस फूटावर कचरापेटी, चार फिरते शौचालये, १४० तात्पुरते नळ उपलब्ध करून देण्यात येणार आहे. विशेष म्हणजे आरोग्य सुविधेसाठी मोबाईल मेडिकल युनिट २४ तास कार्यरत राहणार आहे.

जपान, थायलंड, श्रीलंका, म्यांमार या देशातूनही बौद्ध अनुयायी दिक्षाभूमीवर येणार आहेत. दरवर्षी विदेशी बांधव येत असून वर्षभरात शहराचा चेहरामोहराही बदलला आहे. नागपुरात मार्चमध्ये जी-२० परिषद झाली. त्यानिमित्त शहराची सजावट करून रस्त्यांवर आकर्षक रोषणाई, सौंदर्यीकरण, आकर्षक कारंजे, ठिकठिकाणी फुलझाडे लावण्यात आली होती. नाल्याच्या भिंतीही लक्षवेधक ठरल्या होत्या. एकूणच शहर नववधूसारखे सजविण्यात आले होते.

यातून शहराचे सौंदर्यच नव्हे तर श्रीमंतीही खुलून दिसली होती. याकाळात महापालिकेने व्हिडीओ तयार करून नागपूरचे सौंदर्य, श्रीमंतीचे जतन करून ठेवले आहे. आता हेच व्हीडीओ दाखविण्यासाठी महापालिका दिक्षाभूमीवर मोठे स्क्रीन लावणार असून जगभरातून आलेल्या नागरिकांना शहराचे सौंदर्य अनुभवता येणार आहे.