Nagpur Crime: पाचपावली पोलिस ठाण्याच्या हद्दीत लष्करीबाग परिसरात पेट्रोलिंगदरम्यान दरोड्याच्या तयारीस असलेल्या चौघांना पोलिसांनी पिस्तूल आणि घातक शस्त्रासह ताब्यात घेत गुन्हा दाखल केला.

सूरज उर्फ सनी सुनील कोचे (वय ३६, रा. धार्मिक राशन दुकानाजवळ, लष्करीबाग), लकी लक्ष्मण मलिक (वय २२, रा. ठक्करग्राम पाचपावली), मोहम्मद तौसिफ उर्फ गोलू अब्दुल सत्तार (वय १९, रा. टेका नई बस्ती,पाचपावली), राकेश नरेश झोडापे (वय २३, रा. बारसे नगर) अशी अटक करण्यात आलेल्या आरोपींची नावे आहेत.

कुणाल समुद्रे (रा.काशीबाई देऊळजवळ, कोतवाली) हा पळून जाण्यात यशस्वी झाला. मंगळवारी (ता.६)मध्यरात्रीच्या सुमारास पाचही जण हे लष्करीबागातील समता मैदान, कलकत्ता रेल्वे लाईनजवळ दरोड्याच्या तयारीत बसले असताना, त्यांना पोलिसांनी अटक केली. त्यांच्या ताब्यातून एक पिस्तूल, एक तलवार, एक भाल्याचा पाता, तिखट, दोरी असा मुद्दमाल जप्त केला. marathi-news (esakal.com)