Nagpur Railwaay Bridge Leading Water Logging: सत्रापूर, सिहोरा येथे जाण्यासाठी सत्रापूर येते रेल्वे पूल बांधण्यात आला. यामुळे नागरिकांना ये-जा करण्यासाठी सुविधा होईल असे वाटत होते. मात्र, हा पूल डोकेदुखी ठरत आहे. पावसाचे पाणी साचत असल्यामुळे येथून ये-जा करताना प्रचंड त्रास सहन करावा लागत आहे.

रेल्वे विभागाने कन्हान सत्रापूर नवीन आरयुबी रेल्वे अंडरपास पूल मागील वर्षी ऑक्टोंबर महिन्यात सुरू केले होते. रेल्वे पूल नागरिकांसाठी सुरू केल्यानंतर पहिल्याच दिवशी पावसाचे साचले. हे पाणी तत्काळ काढण्याची मागणी नागरिकांनी केली होती. परंतु, रेल्वे विभागाने याकडे दुर्लक्ष केले.

रविवारी झालेल्या पावसाचे पाणी पुन्हा येथे साचले. यामुळे रहदारीस अडथळा निर्माण झाला. वर्षभरापूर्वी नागपूर-जबलपूर राष्ट्रीय महामार्गावरील कन्हान नदीवरील नवीन पुलाचे लोकार्पण झाले. १५० वर्ष जुना ब्रिटिश काळातील पुलावरून वाहतूक बंद करण्यात आली. दरम्यान काही ठिकाणी रेल्वे उड्डाण पूल आणि रेल्वे अंडरब्रिज बनविण्याची मोहीम रेल्वे विभागाने घेतली होती.

यातून सत्रापूर येथे जाण्यासाठी अंडरब्रिज बांधण्यात आला. मात्र,पहिल्याच पावसात येथे पाणी साचल्यामुळे वाहतुकीस अडथळा निर्माण झाला. यामुळे येथे पाणी काढण्यासाठी पर्याय व्यवस्था करण्यात यावी, तसेच विद्युत व्यवस्था कायम ठेवण्यात यावी, अशी मागणी नागरिकांनी केली आहे. (Latest Marathi News)