RTMNU 
नागपूर

ऐकावे ते नवलच! उन्हाळी परीक्षेचा डेटाच गुल

सकाळ वृत्तसेवा

नागपूर : राष्ट्रसंत तुकडोजी महाराज नागपूर विद्यापीठाच्या उन्हाळी परीक्षांना मार्च महिन्यात सुरुवात होणार आहे. मात्र, या परीक्षेत सहभागी होणाऱ्या विद्यार्थ्यांचा डाटा परीक्षा विभागातून उडाला असल्याची धक्कादायक माहिती समोर आली आहे. ऐन परीक्षेच्या वेळी डाटा उडाल्याने परीक्षा विभागाकडून जवळपास 503 महाविद्यालयांना पत्र पाठवून पुन्हा नव्याने डाटा मागविला असल्याची माहिती आहे.

विद्यापीठाच्या उन्हाळी परीक्षा मार्च महिन्याच्या पहिल्या आठवड्यात सुरू होतात. यामध्ये जवळपास 1200 पेक्षा अधिक अभ्यासक्रमांचा समावेश आहे. परीक्षेसाठी नागपूर, गोंदिया, वर्धा, भंडारा येथील जवळपास 3 लाखांहून अधिक विद्यार्थी दरवर्षी अर्ज करतात. साधारणत: जून महिन्याच्या शेवटपर्यंत परीक्षा सुरू असतात. दरवर्षी यासाठी महाविद्यालयांकडून ऑनलाइन पद्धतीने अर्ज भरल्या जातात. याशिवाय मागील सत्रात अनुत्तीर्ण झालेल्या विषयांच्या पेपरसाठीही हजारो विद्यार्थी अर्ज करीत असतात. जवळपास पहिल्या दोन टप्प्यांतील या परीक्षांमध्ये या विद्यार्थ्यांचा समावेश होतो. यासाठी विद्यापीठाच्या परीक्षेच्या पोर्टलवर विद्यार्थ्यांचे अर्ज अपलोड करण्यात येतात. या डाटाच्या आधारावर विद्यार्थ्यांना प्रवेशपत्र दिल्या जातात. मात्र, विद्यापीठाकडून तांत्रिक चूक झाल्याने हा डाटा अचानक उडाल्याचे समजते. त्यामुळे परीक्षा वेळेत घेण्याच्या अनुषंगाने विद्यापीठाने संबंधित महाविद्यालयांना विद्यार्थ्यांनी भरलेला परीक्षा अर्ज, त्यासाठी पैसे भरलेली पावतीची झेरॉक्‍स मागविली आहे. त्याबाबत बऱ्याच महाविद्यालयातील बाबूंनी विद्यार्थ्यांच्या अर्जांसह पैशाच्या पावत्यांचीही शोधाशोध सुरू केली आहे. मात्र, डाटा वेळेत न मिळाल्यास उन्हाळी परीक्षेत मोठा गोंधळ होण्याची शक्‍यता आहे. दरम्यान, यासंदर्भात परीक्षा व मूल्यांकन मंडळाचे संचालक डॉ. प्रफुल्ल साबळे यांनी केवळ तांत्रिक समस्या असून सर्व डाटा सुरक्षित असल्याची प्रतिक्रिया दिली आहे. दरम्यान, नेमकी कोणती तांत्रिक चूक झाली, ज्यामुळे सर्व डाटा मागविण्यात येत आहे हे कळायला मार्ग नाही.

विद्यार्थ्यांचे होणार नुकसान
पदवीधर महासंघाचे अध्यक्ष व माजी व्यवस्थापन परिषदेचे संचालक महेंद्र निंबार्ते यांनी यामुळे बऱ्याच विद्यार्थ्यांचे नुकसान होणार असल्याचे भाकीत वर्तविले आहे. या प्रकरणाची चौकशी करून संबंधितांवर कारवाई करण्याची मागणी निंबार्ते यांनी केली आहे. शिवाय ज्या विद्यार्थ्यांचा डाटा महाविद्यालयांकडे नाही, त्याबाबत परीक्षा विभागाकडून काय करण्यात येईल, असाही प्रश्‍न उपस्थित केला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SuryaKumar Yadav Post: सूर्यकुमारची रात्री सोशल मीडियावर पोस्ट! जय शाह, रोहित शर्मा, गौतम गंभीर यांचे मानले आभार; नेमकं काय म्हणाला?

Shirur Crime : राज्य उत्पादन शुल्क विभागाने घरावर छापा टाकून विदेशी दारूचा लाखो रुपयाचा साठा केला जप्त

HSC Economic Paper : बारावीच्या अर्थशास्त्राच्या पेपरच्या वेळापत्रकात अंशतः बदल

SCROLL FOR NEXT