खापा : नवरात्री उत्सव जवळ अवघ्या तीन दिवसांवर आला असून शहरातील उत्सव मंडळांच्या वतीने नवरात्री उत्सवाची जय्यत तयारी सुरू झाली आहे. खापा शहरातील प्रसिद्घ बाजार चौकातील भवानी माता मंदिरात व कन्हान नदी काठावरील माऊली माता मंदिरात मंडळाच्या वतीने नवरात्री उत्सवाची जय्यत तयारी सुरू आहे.
खापा बाजार चौकातील भवानी मातेचे मंदिर हे राजे भोसले काळातील आहे. या प्राचीन मंदिराची स्थापना आजपासून ३०० वर्षांपूर्वी खुबाळा गावातील सावरकर कुटुंबाने केली होती. २००१ मध्ये पुन्हा ट्रस्टचे तत्कालीन अध्यक्ष पुरुषोत्तम रामचंद्र बोंदरे यांच्या नेतृत्वात मंदिराच्या जिर्णोद्घार करण्यात आला.
गेल्या ३०० वर्षांपासून मंदिरात नवरात्रोत्सवात घटस्थापना केली जाते. यासाठी मंदिर कमिटी तयारीला व सजावटीच्या कामाला लागली आहे. या नऊ दिवसात शहरासह परिसरातील भाविक मोठ्या संख्येने मातेच्या दर्शनासाठी येतात.
मंदिर परिसर विकासापासून वंचित
हे मंदिर प्राचीन असूनही हा परिसर विकासापासून वंचित आहे. कोराडीची आई जगदंबा येथील आई भवानी या बहिणी असल्याची भक्तांची मान्यता आहे. ३०० वर्षाचा मंदिराला इतिहास असतानाही अद्याप पर्यटनस्थळाचा दर्जा मिळालेला नाही. शासनाच्या दुर्लक्षितपणामुळे मंदिर परिसर आजही विकासापासून वंचित आहे. कोराडी देवी मंदिराच्या धर्तीवर प्राचीन भवानी माता मंदिर परिसराचीही उभारणी करावी, अशी मागणी भाविकांकडून होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.