नागपूर : महापालिकेच्या निवडणुकीत राष्ट्रवादी काँग्रेसला गृहित धरून दाहा-बारा जागा दिले जात असतील तर ते आता खपवून घेतले जाणार नाही, आम्ही स्वतंत्रपणे निवडणूक लढण्यास तयार आहोत, असा इशारा राष्ट्रवादीचे शहराध्यक्ष अनिल अहीरकर यांनी दिला.
राष्ट्रवादी आता राज्यात काँग्रेसपेक्षा मोठा पक्ष झाला आहे. आमच्या आमदारांची आणि मंत्र्यांची संख्याही जास्त आहे. शहरात आमची काहीच ताकद नाही, असे वारंवार दर्शवून यापूर्वी काँग्रेसने नेहमची आम्हाला दुय्यम स्थान दिले. विधानसभेत एकही उमेदवार दिला नाही.
महापालिकेच्या निवडणुकीत शेवटपर्यंत ताटकळत ठेऊन जेथे आमच्या उमेदवाराचा फारसा जोर नाही अशा जागा सोडल्या जातात. आमचा एकच नगरसेवक आहे. मात्र, काँग्रेसच्या तुलनेत आमच्या वाट्याला निम्म्यासुद्धा जागा नव्हत्या. शंभर जागा लढवून काँग्रेसचे फक्त १८ नगरसेवक निवडून आले आहेत. याकडेही अहीरकर यांनी लक्ष वेधले.
कोव्हिड इस्पितळासंर्भात निवेदन दिल्यानंतर अहीरकर यांनी पत्रकारांशी संवाद साधला. महापालिकेत भाजपला पराभूत करायचे असेल तर दोन्ही काँग्रेस एकत्रित येणे गरजेचे आहे. मात्र, राष्ट्रवादीला दुय्यम समजून जागा वाटप केल्यास आम्ही ते सहन करणार नाही, असेही अहीरकर यांनी सांगितले.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.