नागपूर : जिल्हा परिषदेसह खासगीच्या ५६७ शाळांमध्ये विद्यार्थ्यांना पिण्याचे पाणीच मिळत नसल्याची धक्कादायक माहिती जलजीवन मिशनच्या सर्वेक्षणातून समोर आली आहे. परिणामी, विद्यार्थ्यांना बॉटल किंवा पर्यायी साधनांमध्ये घरूनच पाणी आणावे लागत आहे.

आदिवासीबहुल रामटेक तालुक्यातील ८३ शाळांत पाणीपुरवठ्याची कुठलेही साधन नाही. त्यामुळे शेकडो विद्यार्थ्यांची काही वर्षांपासून फरपट चालली आहे. जिल्ह्यात केंद्र शासनाच्या जलजीवन मिशनचे काम युद्धस्तरावर सुरू आहे.

जाणून घ्या - रामदेव बाबा गेले, अंबानी अडचणीत; मिहान, एमआयडीसीत उद्योजकांचा थंड प्रतिसाद

प्रत्येक घरी नळ या योजनेचा कृती आराखडा तयार करून पिण्याच्या पाण्याची सोय नसलेल्या शाळांमध्ये नळजोडण्या देण्याचा हा महत्त्वाकांक्षी कार्यक्रम आहे. या अहवालातून प्राथमिक, माध्यमिक शाळांतील ही वस्तुस्थिती समोर आली आहे. लवकरच ही समस्या पूर्णत्वास जाईल, असा आशावाद शिक्षण विभागाला आहे. 

जिल्ह्यात जिल्हा परिषद, खासगी माध्यमिकच्या २ हजार ४६७ शाळा आहेत. यात जिल्हा परिषदेच्या १५२९ शाळांचा समावेश आहे. पहिली ते आठवीपर्यंतचे विद्यार्थी येथे शिक्षण घेतात़ जलजीवन मिशनच्या सर्वेक्षणाअंती, १९०० शाळांमध्येच या नळजोडण्या लावून पिण्याचे पाणी विद्यार्थ्यांना मिळते आहे. 

क्लिक करा - मोसंबी उत्पादकांच्या हाती भोपळा; संत्रा उत्पादकांनाही तुटपुंजी मदत, विमा कंपन्यांकडून शेतकऱ्यांची फसवणूक

उर्वरित ५६७ शाळांमध्ये पाण्याची कुठलीही व्यवस्था नाही. रामटेक तालुक्यापाठोपाठ कुही, नागपूर ग्रामीण, मौदा, हिंगणा तालुक्यात ही स्थिती अधिक प्रभावित करते आहे. या प्रकारामुळे साधारणत: २५ हजारांवर विद्यार्थ्यांना वर्गात शिकवणीचे पाठ गिरविताना घसा कोरडा ठेवावा लागतो. खासगी शाळांच्या तुलनेत जिल्हा परिषदेच्या शाळांची संख्या अधिक आहे. हा आकडा ३१६ शाळा इतका आहे. 

तालुका शाळासंख्या 

संपादन - नीलेश डाखोरे