नागपूर : पागलखाना चौकातील पुलावर भरधाव येणाऱ्या स्कॉर्पिओने दुचाकीवरून जाणाऱ्या महिलेला धडक दिली. महिला थेट पुलावरून ३० फूट खाली फेकली गेली. दुचाकीचा चक्काचूर होऊन महिलेचा मृत्यू झाला. मंजूषा मारुती दलाल (३६, प्रसाद विहार, कलेक्टर कॉलनी, गोधनी) असे मृत महिलेचे नाव आहे.
पोलिसांनी दिलेल्या माहितीनुसार, मंजूषा दलाल या पंचशील चौकातील खासगी रुग्णालयात नर्स होत्या. गुरुवारी दुपारी दुचाकीने ड्यूटीवर जात होत्या. पागलखाना चौकातील उड्डाण पुलावर मागून भरधाव येणाऱ्या स्कॉर्पिओने त्यांच्या दुचाकीला जबर धडक दिली. यात त्या थेट पुलावरून ३० फूट खाली फेकल्या गेल्या. दुचाकीचा चक्काचूर होऊन त्या गंभीर जखमी झाल्या.
हेही वाचा : व्वा...नागपूरची सिया अमेरिकेत खेळणार
मंजूषा यांचा जागीच मृत्यू झाला. अपघाताच्या वेळी पुलाखाली कुणीही नसल्यामुळे अन्य कुणी जखमी झाला नाही. आरोपी चालक वाहनासह पसार झाला. त्याने मानकापूर चौकात वाहन सोडून पळ काढला. मंजूषा अविवहित होत्या. त्यांच्या बहीण नागपूर पोलिसांत वायरलेस विभागात कार्यरत आहेत.
(संपादन : मेघराज मेश्राम)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.