नागपूर ः भरधाव ट्रकने एका ट्रिपलसीट दुचाकीला धडक दिली. या अपघातात गंभीर जखमी झालेल्या आईने मुलाच्या मांडीवरच जीव सोडला तर त्याच्यासह मुलगी गंभीर जखमी झाली. ही हृदयद्रावक घटना रविवारी रात्री अकरा वाजता नवीन काटोल नाका परिसरात घडली.

मध्यप्रदेश सरकारच्या 'या' कठोर निर्णयामुळे राज्य परिवहन मंडळाचं प्रचंड नुकसान; बसतोय...

शांताबाई बाबाराव बरडे (वय ६५ रा.दर्शन कॉलनी ) असे मृताचे तर सुधीर बाबाराव बरडे (वय ४०) व त्यांची मुलगी नंदिनी (वय ५) अशी जखमींचे नाव आहेत. रविवारी रात्री सुधीर, त्यांची आई व मुलगी हे कळमेश्वर येथून मोटरसायकलने येत होते. 

नवीन काटोल नाका परिसरात अज्ञात ट्रकने मोटरसायकलला धडक दिली. ट्रकच्या चाकाखाली आल्याने शांताबाई गंभीर जखमी झाल्या. मुलाने जखमी आईला मांडीवर घेतले. दरम्यान शांताबाई यांनी प्राण सोडला. 

बुटीबोरीतील स्नेहल फार्मा कंपनीला भीषण आग; कोट्यवधींचे नुकसान; जीवितहानी नाही 

तर सुधीर व नंदिनी दुसऱ्या बाजूला पडल्याने जखमी झाले. याप्रकरणी गिट्टीखदान पोलिसांनी प्राणांतिक अपघाताचा गुन्हा दाखल करून ट्रकचालकाचा शोध सुरू केला आहे. 

संपादन  - अथर्व महांकाळ