मांढळ (जि.नागपूर): आतापर्यंत 37 लोक मरण पावले. मात्र, ते नुसत्या कोरोनामुळे नव्हे, तर कुणाला क्षयरोग, हृदयरोग, शुगर, बीपी किंवा इतर गंभीर आजार होते, असे लक्षात आले. मात्र, काहींनी अतिशय दुर्लक्ष केले. त्यामुळे तशी वेळ आली, म्हणून प्रत्येकाने आपापल्या आरोग्याची काळजी घेतली पाहिजे, असा सल्ला जिल्हाधिकारी रविंद्र ठाकरे यांनी कुही येथील आढावा सभेत दिला.

अधिक वाचा :   कोरोनासे नही क्‍वारंटाईनसे डर लगता है साहाब, काय आहे कारण...

क्‍वारंटाइनला घाबरू नका !
कोविडला व क्वारंटाइनला घाबरू नका. मात्र, प्रत्येकाने मास्क वापरा, फिजिकल डिस्टन्सिंगचे नियम काटेकोरपणे पालन करा, तरच आपण ही लढाई जिंकू शकतो. ग्रामपंचायत, नगरपंचायत, तहसीलदार कार्यालयाने मास्क न वापरणे, फिजिकल डिस्टन्सिंगचे नियम मोडणाऱ्यांवर दंडात्मक कारवाई करावी, यात कुणाचीही गय करू नये, असे निर्देश जिल्हाधिकारी रवींद्र ठाकरे कुही तालुक्‍यातील प्रशासकीय अधिका-यांना दिले.

अधिक वाचा : "हे' गवत आहे भयंकर विषारी, मात्र मोवाडवासींची ठरली डोकेदुखी...

... तर लॉकडाउनची वेळच येणार नाही !
आता शेतकरीबांधव शेतीच्या कामात आहेत. अशावेळी लॉकडाऊन करणे शक्‍य नाही. परंतु, नियमांचे काटेकोरपणे पालन केले, तर लॉकडाउनची वेळच येणार नाही. आज कुही तालुक्‍यातील लोकप्रतिनिधी, तहसीलदार, बीडीओ, डॉक्‍टर्स, कृषी, शिक्षण, आरोग्य, महसूल, नगरपंचायतचे अधिकारी व पत्रकार, अंगणवाडीसेविका, आशावर्कर यांना कोविड विरुद्ध लढाईतील अनुभव कथन करताना जिल्हाधिकारी रवींद्र ठाकरे यांनी सांगितले.

अधिक वाचा :  "त्याला' बुडताना पाहून मित्र गेले पळून, नंतर सायंकाळी घडले असे...

आशावर्करची विशेष मानधनाची मागणी
आशावर्कर यांना कोविड विरुद्ध लढाईतील आरोग्य विभागाने दिलेल्या प्रत्येक कामात अग्रेसर असणारा महत्त्वाचा घटक मानला जातो. आम्ही आमच्यासाठी व देशासाठी हे काम करत आहोत. पण, यासाठी आम्हाला काहीतरी मानधन मिळाले, तर बरे होईल, अशी अपेक्षा आशावर्कर यांनी व्यक्त केली. त्यावर जिल्हाधिकारी म्हणाले की, पालकमंत्री यांच्याकडे आपली मागणी ठेवतो ते शासनापर्यत पोचवतील.महाबीजच्या आतापर्यंत तक्रारी आल्या असून, त्या तत्काळ निकाली काढण्याचे जिल्हाधिकारी ठाकरे यांनी आदेश दिले.

संपादन : विजयकुमार राऊत