काटोल (जि.नागपूर) : शहर व ग्रामीण भागातील रुग्णसंख्या सतत वाढतीवर असून आज सोमवारी परत काटोल येथे 2 व झिलपा एक असे तीन रुग्ण आढळले,अशी माहिती तालुका आरोग्य अधिकारी डॉ.शशांक व्यवहारे, तसेच ग्रामीण रुग्णालयाचे डॉ.सुधीर वाघमारे यांनी दिली. झिलपा येथील रुग्णांच्या संपर्कात आलेल्या दहा 10जणांना सोमवारी रात्री हलविण्यात आले. झिलपा येथे 2 पॉझिटिव्ह तर तालुक्‍यात नव्याने डझनावर (12)रुग्ण पोहोचले आहेत.

अधिक वाचा: हीच की "शिव'सेना? गुन्हेगारी पार्श्‍वभूमी असलेल्याला दिले शहरप्रमुखपद...

रुग्णसंख्या पोहोचली14
शनिवार, विवारी काटोल शहरात कोविड- 19 चे मोठ्या प्रमाणात रुग्ण निघाले होते. त्यात नजीकच्या झिलपा व पानवाडी या गावातून प्रत्येकी एक रुग्ण सापडल्याने काटोल शहरासोबत ग्रामीण परिसरसुद्धा हादरला होता. ही शृंखला कायम ठेवत रुग्ण वाढत असल्याने खबरदारीचा इशारा आपत्ती निवारण समितीने दिला असून नागरिकांनी पावसाळयात काळजी घेण्याचा सल्ला दिला आहे. सोमवारपासून तीन दिवस काटोल बाजारपेठ बंद ठेवण्यात आली आहे.

अधिक वाचा : या पथकात राहिल महसूल कर्मचारी, शस्त्रधारी पोलिसांचा समावेश, वाचा कशाचे आहे "हे' पथक..

काटोल तीन दिवस बंद
शहरात एकाच दिवशी आठ रुग्ण मिळाल्याने तसेच रग्ण सातत्याने वाढत असल्याने आकडा डझनावर गेला आहे. यापूर्वी रिधोरा "कनेक्‍शन' मधील तीन रुग्ण काटोल राऊतपुरा येथील आढळून आले होते. त्यानंतर आता तीन हप्त्यानंतर आंध्र "कनेक्‍शन'मधून अकरा रुग्ण संख्या वाढल्याने काटोल बाजारपेठ, सोमवार, मंगळवार, बुधवारला पूर्णपणे तीन दिवस बंद ठेवण्याचे आवाहन काटोल व्यापारी संघ व व्यापारी कल्याणकारी संघांनी जाहीर केले आहे. तरी आज तीन रुग्ण वाढले असल्याने नागरिकांनी धास्ती घेतली आहे.

स्वच्छता हीच रामबाण लस
शहरात व ग्रामीण भागात पावसाळ्यात सतत रुग्ण वाढत आहेत. जनता कर्फ्यू चार दिवस राहील, पण कोरोना संसर्ग कमी होणार नाही. याकरिता घरीच राहणे, बाहेर पडताना मास्कचा वापर, सोशल डिस्टन्सिंग, स्वच्छता हीच रामबाण लस आहे.
डॉ.सुधीर वाघमारे
ग्रामीण रुग्णालय काटोल