नागपूर ः आर्मीतून सेवानिवृत्त झालेल्या ज सेवानाच्या घरावर सक्करदरा पोलिसांनी छापा घातला. या छाप्यात पिस्तूल, जीवंत काडतुससह मोठा शस्त्रसाठा पोलिसांनी जप्त केला. मारूती गजानन कोठेकर (५२,रघुजीनगर ) असे आरोपी जवानाचे नाव आहे. 

हेही वाचा - देशाचे हृदयस्थळ राहण्यायोग्य शहराच्या यादीत २५ व्या स्थानावर; सोलापूरही नागपूरच्या समोर

पोलिसांनी दिलेल्या माहितीनुसार, मारूती कोठेकर हा आर्मीतून निवृत्त झाल्यानंतर काही दिवस त्यांनी नागपूर मनपाच्या उपद्रव पथकात काम केले होते. कोठेकर याच्या घरी तीक्ष्ण शस्त्रे आहेत अशी माहिती सक्करदरा पोलिसांना मिळाली. या माहितीवरून पोलिसांनी कोठेकर यांच्या घरी छापा घातला. 

घरझडतीत पोलिसांना पिस्तूल, दोन जिवंत काडतुसे, म्यानसह कुकरी, तलवार, छर्रा बंदूक, रायफलचा तुकडा अशी शस्त्रे मिळून आली. पोलिसांनी कोठेकर यांचा शोध घेतला असता ते मोहखेडा (मध्यप्रदेश) येथे असल्याचे समजले. लगेच पोलिसांचे एक पथक मोहखेडा येथे रवाना झाले. पोलिसांनी मोहखेडा येथून कोठेकर त्यांना ताब्यात घेतले आणि नागपूरला आणले. 

हेही वाचा - धक्कादायक! बापच निघाला नवजात बाळाचा मारेकरी; शौचालयात आढळले होते अर्भक

पोलिसांनी त्यांना न्यायालयात हजर करून त्यांची ९ मार्चपर्यंत पोलिस कोठडी घेतली. ही कारवाई ठाणेदार सत्यवान माने यांच्या मार्गदर्शनात सहायक निरीक्षक राजू बस्तावडे पुढील तपास करीत आहेत.

संपादन - अथर्व महांकाळ