नागपूर : विविध राज्यांमधील मॉडेलिंग करणाऱ्या युवतींना जाळ्यात अडकवून त्यांच्याकडून वेश्या व्यवसाय करवून घेणाऱ्या रॅकेटचा पर्दाफाश करण्यात गुन्हेशाखेच्या सामाजिक सुरक्षा विभागाला यश आले आहे. गणेशपेठेतील हॉटेलवर गुरुवारी छापा टाकून पोलिसांनी तीन मॉडेलची सुटका केली. सेक्स रॅकेटच्या सूत्रधाराला ताब्यात घेतले आहे.
दिपेश ऊर्फ गगन कानाबार (३६, रा. सतनामीनगर) असे ताब्यात घेण्यात आलेल्या आरोपीचे नाव असून, त्याचा रेहन नावाचा साथीदार फरार झाला आहे. गणेशपेठ बसस्थानकाजवळील क्रिष्णा हॉटेलमध्ये हा रॅकेट सुरू होते. याबाबत सामाजिक सुरक्षा विभागाला माहिती मिळाली त्या आधारे गुरुवारी सायंकाळी ७ वाजता सापळा रचण्यात आला.
ठरल्याप्रमाणे पंटरला आत पाठविण्यात आले. त्याने इशारा देताच दबा धरून बसलेल्या पथकाने छापा टाकला. येथी तीन मुली आढळू आल्या. त्या परराज्यातील असून मॉडेलिंग क्षेत्रात नशीब आजमाविण्यासाठी आल्या होत्या. पैशांचे आमिष दाखवून त्यांना हा व्यवसाय करण्यास भाग पाडण्या आल्याची बाब समोर आली आहे.
फेसबुक फ्रेंडने लग्नाचे आमिष दाखवून मिहेसोबत शारीरिक संबंध जोडले. तिच्या नकळत एकांतातील क्षणांचा व्हिडियो तयार केला. येवढेच नाही तर तिला एका घरात डांबून ठेवत बळजबरीने अत्याचार केला. या प्रकरणी महिलेच्या तक्रारीवरून सीताबर्डी पोलिसांनी अत्याचाराचा गुन्हा नोंदविला आहे. नितीन थोरात (३०, रा. यसुरणा, अचलपूर) असे आरोपीचे नाव सांगण्यात येते.
आरोपी व पीडितेची फेसबूकवरून मैत्री झाली होती. अल्पावधितच प्रेमफुलले. ऑक्टोबर २०२० मध्ये सर्वप्रथम सीताबर्डीत त्यांची भेट झाली. जवळच्याच एका लॉजमध्ये त्यांच्यात संबंध राहिले. त्यावेळी आरोपीने पीडितेच्या नकळत व्हिडियो तयार केला होता. याप्रकारानंतर महिलेने त्याच्यापासून लांब राहण्याचा प्रयत्न केला. पण, तो भेटीसाठी दबाव टाकायचा.
सतत नकार मिळत असल्याने वारंवार फोन करून ठार मारण्याची धमकी देत होता. त्याने अश्लिल व्हिडियो व्हायरल करण्याचीही धमकी दिली. प्रकरणाचा सोक्षमोक्ष लावण्यासाठी ३ मार्च २०२१ रोजी अमरावतीत भेटण्याचे ठरले. त्यानुसार पीडिता अमरावताला गेली असता आरोपीने तिला डांबून ठेवले आणि अत्याचार केला. याप्रकरणी पीडितेने सीताबर्डी ठाणे गाठून तक्रार दिली. पोलिसांनी अत्याचाराचा गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.