नागपूर : कोरोनाचा नवीन व्हेरियंट ओमिक्रॉनच्या संभावित धोका लक्षात घेता प्रशासनाने कंबर कसली असताना ऑक्सिजन उत्पादक कंपन्याही सज्ज झालेल्या आहेत. जिल्ह्यातील दहा ते १२ कारखान्यांची ऑक्सिजन उत्पादन करण्याची क्षमता सरासरी १६० ते २०० मेट्रिक टन आहे. त्यामुळे येणाऱ्या संभावित धोका लक्षात घेता येत्या काळात ऑक्सिजनची टंचाई जाणवणार नसल्याचा विश्वास उद्योजकांनी व्यक्त केला आहे.
कोरोना दुसऱ्या लाटेच्या वेळेस शहरच नव्हे तर राज्याला ऑक्सिजनच्या टंचाईला सामोरे जावे लागले होते. ऑक्सिजन न मिळाल्याने अनेक रुग्णांना आपला जीव गमवावा लागला होता. मात्र, आता जिल्ह्यातील दहा ते १२ कारखान्यामधून प्रति दिन १६० मेट्रिक टन ऑक्सिजनची निर्मिती करण्याची क्षमता आहे. गरजेनुसार उत्पादन केले जाऊ शकते. मात्र, सध्या रुग्णालयाकडून ३० टक्केच ऑक्सिजनची मागणी होत आहे.
उर्वरित ऑक्सिजन हे उद्योगांना पुरवठा केला जात आहे. भविष्यात दुसऱ्या लाटेसारखी स्थिती निर्माण झाल्यास ऑक्सिजन कारखाने सज्ज आहेत. कारण त्यावेळी असलेली मागणी आता होत असलेले उत्पादन यात मोठे अंतर आहे. त्यामुळे तिसऱ्या लाटेची भीती व्यक्त केली जात असली तरी ऑक्सिजनची टंचाई निर्माण होण्याची शक्यता कमीच आहे. त्या स्थितीतही इतर राज्यांना आपण ऑक्सिजनचा पुरवठा करू शकेल अशी स्थिती आहे.
"हॉस्पिटलमध्ये सध्या उत्पादनाच्या तुलनेत ३० टक्केच ऑक्सिजनची मागणी आहे. उद्योगांमध्ये ७० टक्के ऑक्सिजनचा पुरवठा केला जात आहे. कारखाने सध्या पूर्णक्षमतेने चालू असून १६० मेट्रिक टन ऑक्सिजनची निर्मिती केली जात आहे."
-संजय पझारे, संचालक, के.एस. एन्टरप्रायजेस
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.