नागपूर : अनेकांना प्रलोभन देत, खोटे बोलत धर्मांतर करून घेतल्या जाते. धर्मांतर करणे हा कायद्यानुसार गुन्हा आहे. विश्‍व हिंदू परिषद कायम यासाठी लढा देत आली आहे.

धर्मांतर केलेल्या अनुसूचित जातीतील नागरिकांना मिळणारे आरक्षण थांबवावे, अशी मागणी विश्व हिंदू परिषदेचे केंद्रीय महामंत्री मिलिंद परांडे यांनी पत्रकार परिषदेमध्ये केली.

दुर्दैवाने हिंदू समाजात अनुसूचित जाती आणि जमातींना सामाजिक, शैक्षणिक आणि आर्थिक आधारावर भेदभावाचा सामना करावा लागतो आहे. आरक्षण केवळ हिंदूंसाठी आहे. समाजामध्ये चांगल्या विचारांचे जोपासले गेले पाहिजे.

त्यासाठी हिंदू धर्मीयांचे जागरूक व्हायला हवे, असेही परांडे म्हणाले. यावेळी विश्व हिंदू परिषदेचे विदर्भ प्रांत अध्यक्ष राजेश्वर निवल, प्रांत मंत्री गोविंद शेंडे, प्रांत प्रचारप्रमुख निरंजन रिसालदार उपस्थित होते.