Resolved the issue of salary of teachers of Divyang school 
नागपूर

धनंजय मुंडे यांच्या नावे दिले निवेदन अन्‌ सुटला या शिक्षकांचा प्रश्‍न, काय आहे प्रकार...

सकाळ वृत्तसेवा

नागपूर : दिव्यांग शाळेची मान्यता मार्चमध्येच संपल्याने शिक्षकांचा वेतनाचा प्रश्‍न निर्माण झाला होता. मात्र, विदर्भ माध्यमिक शिक्षक संघाने टाळेबंदीच्या काळात नूतनीकरणाची अट सहा महिने वाढवून देण्याची मागणी समाजकल्याण खात्याचे मंत्री धनंजय मुंडे यांना निवेदनातून केली. यावर विभागाने सहा महिन्यांची मुदतवाढ दिल्याने शिक्षक आणि कर्मचाऱ्यांच्या वेतनाचा प्रश्‍न तात्पुरता निकाली निघालेला आहे. 

टाळेबंदीमुळे शाळा आणि महाविद्यालये 21 मार्चपासून बंद आहेत. याचा फटका राज्यातील दिव्यांग शाळांना बसला. विभागाअंतर्गत येणाऱ्या शाळा आणि कनिष्ठ महाविद्यालयांची मान्यता 31 मार्च रोजी संपली. विशेष म्हणजे, नूतनीकरणाचे प्रस्ताव पुणे येथील कार्यालयात पाठवावे लागतात. या प्रस्तावानुसार जिल्हास्तरावर तपासणी करून नूतनीकरणाचे पत्र दिले जाते. मात्र, टाळेबंदी असल्याने याबाबत अर्ज करण्याची संधी शाळांना मिळाली नाही. त्यामुळे जिल्हास्तरावरील अधिकाऱ्यांद्वारे तपासणी करणेही शक्‍य झाले नाही.

शिक्षक आणि कर्मचाऱ्यांचे एप्रिल आणि मे महिन्याचे वेतन रखडले. आता टाळेबंदी संपूर्णत: उघडल्याशिवाय प्रस्ताव सादर करता येणे शक्‍य नाही. त्यामुळे विदर्भ माध्यमिक शिक्षक संघाने या शिक्षकांची व्यथा जाणून घेत त्यांच्या वेतनासाठी समाजकल्याण खात्याचे मंत्री धनंजय मुंडे यांच्या नावे निवेदन सादर केले. याची विभागाने दखल घेत नूतनीकरणासाठी सहा महिन्यांच्या कालावधी वाढवून देण्याचा निर्णय घेतला. 

आता किमान टाळेबंदी उठेपर्यंत दिव्यांग शाळेतील शिक्षक व कर्मचाऱ्यांना वेतन मिळणार आहे. संघटनेतर्फे शाळा नूतनीकरणाचे अधिकार विभागस्तरावर समाजकल्याण उपायुक्त कार्यालयाला देण्यात यावे अशी मागणी प्रमोद रेवतकर, विठ्ठल जुनघरे, राजेश धुर्वे, तेजराज राजूरकर, राजेश हाडके, राजेश भामकर, कर्णबोधी मांडवे, रिता वाघमारे यांनी केली आहे.

दिव्यांग शिक्षक संख्या

  • नागपूर : 175 
  • अमरावती : 150 
  • बुलडाणा : 100 
  • वर्धा : 35 
  • चंद्रपूर : 45 
  • भंडारा : 11 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Latest Marathi News Updates : पुण्यात महिलेच्या सूपमध्ये सापडले झुरळ

Pratap Sarnaik: आता नियमांचे उल्लंघन करणाऱ्या चालकांवर बसणार कारवाईचा चाप, परिवहन मंत्र्यांचे निर्देश

मराठी नाट्य परिषदेतर्फे खुल्या राज्यस्तरीय एकांकिका स्पर्धेचं आयोजन; कुठे कराल अर्ज? वाचा नियम व अटी

API Duty: आता उपचार स्वस्त होणार! औषधांच्या किमतीबाबत सरकार मोठा निर्णय घेण्याच्या तयारीत, कुणाला फायदा?

SCROLL FOR NEXT