नागपूर : ग्रामीण भागात कोरोनाची रुग्णसंख्या वाढत आहे. परंतु, याकडे अधिकारी, पदाधिकाऱ्यांचे लक्ष नाही. उपाध्यक्ष तथा आरोग्य सभापती मनोहर कुंभारे यांचे सदस्यत्व रद्द झाल्याने हा विभागच वाऱ्यावर गेल्याचे चित्र आहे. तर आरोग्य अधिकारी ‘नॉट रिचेबल’ असल्याचा अनुभव काहींनी बोलून दाखविला. यामुळे ग्रामीण भागातील कोरोना नियंत्रणात येणार कसा, असे म्हणत आरोग्य अधिकाऱ्यांच्या कार्यशैलीवर अनेकांनी आक्षेप घेतली.  

रुग्णसंख्या सातत्याने वाढते आहे. शासनाने कॉंटॅक्ट ट्रेसिंगवर भर देण्यास सांगितले आहे. परंतु याची योग्य प्रकारे अंमलबजावणी होत नसल्याचे सांगण्यात येते  क्वारंटाइन केंद्र आता वाढविण्यात आले.  ग्रामीण भागातील रुग्ण शहरात उपचारासाठी आल्यानंतर कुठलीही संपर्क यंत्रणा किंवा आरोग्य विभागाची माहिती यंत्रणा कार्यान्वित नाही.  तसे उपाध्यक्षाचे खाते अध्यक्षांकडे हस्तांतरित झाले.

अधिक वाचा - घनदाट जंगलात अजूनही उभा आहे अष्टकोनी वाडा, २०० एकर जमीनदारी असलेला परिवार एका रात्रीत झाला होता गरीब

पण अध्यक्षही स्वस्थ बसल्या आहे. परिस्थितीचा आढावा नाही, विभागाकडून माहिती घेण्यात येत नाही. आरोग्य अधिकारी कनिष्ठांवर भार टाकून मोकळे झालेत. त्यांच्याकडे गेले की, ‘साहेब मिटींगला आहेत’, असेच उत्तर कर्मचाऱ्यांकडून मिळते. पदाधिकारी, सदस्यांना सुद्धा त्यांच्याकडून प्रतिसाद मिळत नसल्याची ओरड आहे.  सीईओ आणि काही अधिकारीच प्रामाणिकपणे काम करीत असल्याचे सांगण्यात येते. 

अर्वाच्य शब्दाचा वापर

ग्रामीण भागातील रुग्णालयात कंत्राटी डॉक्टर, परिचारिकांची नियुक्ती करण्यात येत आहे. याकरता इंटरव्यू घेण्यात येत. यात आरोग्य अधिकाऱ्यांकडून चांगल्या शब्दाचा वापर होत असल्याच्या तक्रारी आहेत. काही लोकांनी याची तक्रार पदाधिकाऱ्यांकडे केल्याची माहिती आहे.