नागपूर : राज्याची उपराजधानी नागपूरला महत्व आहेच असे म्हणत नागपूरकरांचे आमच्यावरील प्रेम वाढत चालेले आहेत, अशी मिश्किल टिपणी शिवसेनेचे खासदार संजय राऊत (Sanajay Raut) यांनी देवेंद्र फडणवीस (Devendra Fadanvis) यांचे नाव न घेता केली आहे. ते नागपूरमध्ये पत्रकारांशी बोलत होते. नागपूरच्या मातीत वातावरणात वेगळेपण आहे. त्यामुळे राऊत नागपुरात आले तर त्यांना सुबुद्धी येईल, असे विधान देवेंद्र फडणवीस यांनी केले होते. यावरदेखील राऊत यांनी उत्तर दिले. (Snjay Raut On Devendra Fadanvis)

ते म्हणाले की, बरेसचे नागपूरकर बऱ्याचदा मुंबईला असतात त्यामुळे आम्ही आमचा मुक्काम नागपूरला हलवाल आहे. फडणवीसांच्या सुबुद्धीच्या वक्तव्यावरून त्यांना सुबुद्धीचे अजिर्ण झाल्याचे वाटत आहे. त्यामुळे थोडी सुबुद्धी भाजपच्या नेत्यांनाही द्या, असा टोला राऊतांनी फडणवीसांना लगावला. दिल्लीतील घटनेमागे कुणाचा हात आहे हे सर्वांना माहिती आहे. पण. ज्या पद्धतीने देशात घटना घडत आहेत त्या देशाच्या एकतेच्या दृष्टीने चांगल्या नाहीत. सराकारविरोधात बोलल्यानेच आमच्यावर ईडीची कारवाई करण्यात आल्याचे राऊत म्हणाले.