सकाळ वृत्तसेवा
नागपूर : सोयाबीन-कापूस उत्पादक शेतकऱ्यांच्या न्याय्य मागण्यांसाठी पक्षाचे झेंडे बाजूला ठेऊन विदर्भ-मराठवाड्यातील शेतकऱ्यांना आंदोलनाची हाक शेतकरी नेते रविकांत तुपकर यांनी दिली आहे. उद्या (ता. १७) पासून देशाचे मध्यवर्ती ठिकाण असलेल्या नागपूर येथील संविधान चौकात शेतकरी नेते रविकांत तुपकर यांच्या नेतृत्वात बेमुदत सत्याग्रहाला सुरवात केली जाणार आहे.
गुरुवारी (ता. १८) मराठवाडा आणि विदर्भातील प्रत्येक गावातील शेतकरी गावात फेरी काढून चावडीवर किंवा पारावर धरणे व ठिय्या आंदोलन सुरु करणार आहेत. त्यानंतर शुक्रवारी (ता. १९) नोव्हेंबर रोजी संपूर्ण मराठवाडा आणि विदर्भात रास्तारोको आंदोलन केले जाईल. शनिवारी (ता. २०) नोव्हेंबर रोजी प्रत्येक गावात गावबंद आंदोलन केले जाणार आहे. या उपरही या आंदोलनाची दखल न घेतल्यास २१ नोव्हेंबरपासून कायदा हातात घेऊन आंदोलनाचा भडका उडविणार असल्याचे राजू शेट्टी यांनी सांगितले आहे. या आंदोलनात सर्व शेतकऱ्यांनी पक्ष भेद विसरून शेतकरी म्हणून सहभागी व्हावे, असे आवाहन राजू शेट्टी व रविकांत तुपकर यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.