नागपूर : जिल्हा परिषद कर्मचाऱ्यांच्या बदली प्रक्रिया होऊन जवळपास एका महिन्याहून अधिकचा कालावधी झाला. परंतु अद्याप बदली झालेल्यांना विभागप्रमुखांनी कार्यमुक्त केले नाही. त्यामुळे कर्माचाऱ्यांच्या बदल्या फक्त कागदावरच झाल्या. विभागप्रमुखांचे कर्माचाऱ्यांसोबतचे अर्थपूर्ण प्रेमसंबंध असल्यामुळेच कार्यमुक्त करण्यात टाळाटाळ होत असल्याची चर्चा आहे.
जिल्हा परिषद कर्मचाऱ्यांच्या दरवर्षी मे महिन्यात जवळपास ३० टक्के बदल्या करण्यात येतात. मात्र, यंदा कोरोना संसर्ग पाहता शासनाने बदल्यांना स्थगिती दिली. मात्र लोकप्रतिनिधी व कर्मचारी संघटना बदल्यांसाठी सतत पाठपुरावा केल्यामुळे अखेर सरकारला बदल्या करण्याचा निर्णय घ्यावा लागला. प्रथम ३१ जूलैपर्यंत बदली प्रक्रिया पूर्ण करायची होती. नंतर शासनाने १० ऑगस्टपर्यंतची मुदीवाढ दिली.
त्यानुसार जिल्हा परिषदेने मुख्यालय तसेच पंचायत समितीस्तरावरील जवळपास सहाशेवर कर्मचाऱ्यांच्या बदल्यांची प्रक्रिया राबविली. ही बदली प्रक्रिया संपूष्ठात येताच साईओ योगेश कुंभेजकर यांनी एक पत्र काढून बदली झालेल्यांना त्वरीत बदलीच्या ठिकाणी रुजू होण्यासाठी कार्यमुक्त करण्याचे आदेश दिलेत. सोबतच बदली झालेल्यांचे आता बदलीपूर्वीच्या ठिकाणावरून वेतर अदा करू नयेत, असेही स्पष्ट निर्देश सर्व विभागप्रमुखांना दिलेत.
वेतन अदा केल्यास कारवाईचा इशाराही त्यांनी दिला. परंतु आज बदली प्रक्रिया संपूष्ठात येऊन महिन्याभराचा अधिकचा कालावधी होत आहे. परंतु जि.प.मुख्यालयासह पंचायत समितीस्तरावरुन बहुतांश बदली झालेल्यांना त्यांच्या विभागप्रमुखांनी कार्यमुक्तच केलेले नाही. अनेक विभागप्रमुखांचे कर्मचाऱ्यांशी सलोख्याचे संबंध आहेत. त्यांच्या मार्फत अनेक मार्गी लागतात. नवीन कर्मचारी आल्यास कामावर परिणाम होण्याची शक्यता आहे. त्यामुळेच विभागप्रमुख कर्मचाऱ्यांना कार्यमुक्त करण्यास टाळाटाळ करीत असल्याची चर्चा आहे.
जाखळेकरही कार्यमुक्त नाही
सामान्य प्रशासन विभागाच्या उपमुख्य कार्यकारी अधिकारी प्रमिला जाखलेकर यांची वर्धा जिल्हा परिषद येथे पंचायत विभागात बदली झाली. बदलीचे आदेश निघून दहा दिवसांचा कालावधी होत असताना अद्याप त्यांना कार्यमुक्त करण्यात आले नसल्याने आश्चर्य व्यक्त करण्यात येत आहे. जाखलेकर बदलीच्या ठिकाणी रुजू न झाल्याने वर्धा जि.प. प्रशासनाकडून विभागीय आयुक्त कार्यालयाशी संपर्क साधण्यात आल्याची माहिती आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.