Stress from a dead patient's bill in kamthi 
नागपूर

नातेवाईकांनी केली विनवणी ‘डॉक्टर साहेबऽऽ आणखी पन्नास हजार रुपये देतो, पण मृतदेह घेऊन जाऊ द्या’

गजानन बोरकर

कामठी (जि. नागपूर) : कामठी कळमना मार्गावरील खुशबू मोटारसमोरील लाईफलाईन या खाजगी कोविड सेंटर हॉस्पिटलमध्ये कोरोना रुग्णाच्या बिलावरून नातेवाईक व डॉक्टरांमध्ये झालेल्या वादातून तणाव निर्माण झाला. मृतदेह मिळण्याच्या मागणीसाठी नातेवाईकांनी सायंकाळी कामठी कळमना मार्गावर रास्तारोको केल्याने काही काळासाठी वाहतूक ठप्प होती. नवीन कामठीचे ठाणेदार संतोष बाकल यांनी घटनास्थळी येऊन मध्यस्थी केल्याने तणाव निवळला.

नवीन कामठी पोलिसांनी दिलेल्या माहितीनुसार, सतीश महादेव तांबे (वय ४८, रा. लष्करीबाग, नागपूर) या कोरोना रुग्णाला नातेवाईकानी २८ दिवसांपूर्वी उपचारासाठी कामठी कळमना मार्गावरील खुशबू मोटारसमोरील लाईफलाईन या खाजगी कोविड सेंटरमध्ये भरती केले होते. उपचारादरम्यान शुक्रवारी (ता. ९) त्यांचा मृत्यू झाला. उपचारादरम्यान नातेवाईकांनी तीन लाख ५० हजार रुपये हॉस्पिटलमध्ये जमा केले होते.

आज पुन्हा डॉक्टरांनी मृताचे नातेवाईकांना ४ लाख ९५ हजार रुपये भरणार नाहीत तोपर्यंत मृतदेह देणार नसल्याचे सांगितल्यामुळे नातेवाईक संतापले. नातेवाईकांनी आणखी ५० हजार रुपये देतो, मृतदेह देण्यासाठी विनवणी केली. परंतु, डॉक्टरांनी पूर्ण पैसे जमा केल्याशिवाय मृतदेह देण्यास नकार दिला. मृताचे नातेवाईक सुरेंद्र खंडारे यांनी पैशासाठी मृतदेह देत नसल्याची तक्रार नवीन कामठी पोलिसांत दिली. डाॅक्टरांनी मृतदेह न दिल्याने नातेवाईकांनी हॉस्पिटलसमोर रास्तारोको केला.

नवीन कामठीचे ठाणेदार संतोष बाकल, दुय्यम निरीक्षक राधेश्याम पाल घटनास्थळी येऊन नातेवाईक व डॉक्टरांसोबत मध्यस्ती समजूत घातली. नातेवाईकांनी एक लाख रुपये दिल्यावर डॉक्टरांनी मृतदेह नातेवाईकांना दिला. कामठीतील काही खाजगी कोविड सेंटर हॉस्पिटलमध्ये कोरोनाच्या नावावर मोठ्या प्रमाणात नागरिकांची लुबाडणूक होत असून, अशा खाजगी कोविड हॉस्पिटलवर कारवाई करण्याची मागणी नागरिकांनी केली आहे.

संपादन - नीलेश डाखोरे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Pune Crime: पुण्यात सैराटपेक्षाची भयानक घटना! प्रेमविवाह केल्याचा मनात राग, तिघांनी सलूनचं सेटर लावलं अन् तरुणावर कोयत्याने वार

Pune News: अमली पदार्थ विरोधी पथकाची माेठी कारवाई! 'कोंढवा, बिबवेवाडीतून २७ लाखांची अफू', मेफेड्रोन जप्त; दोघांना अटक

Dhule News: जोडपं गाढ झोपेत असतानाच नियतीनं डाव साधला, सुखी संसार अर्ध्यावरच संपला; धुळ्यातील दुर्दैवी घटना

DY Chandrachud: माजी CJI चंद्रचूड अजूनही सरकारी बंगल्यातच, सर्वोच्च न्यायालयाचे केंद्र सरकारला पत्र, मोठं कारण आलं समोर

परिवहन मंत्र्यांचे आदेश! 'शालेय विद्यार्थ्यांसाठी एसटीच्या फेऱ्या रद्द करू नयेत'; सव्वापाच लाख प्रवासाचे पास वाटप

SCROLL FOR NEXT