नागपूर ः उत्तर नागपूरमध्ये ७०० खाटांचे सुपर स्पेशालिटी हॉस्पिटल लवकरच उभारले जाणार असल्याची घोषणा राज्याचे ऊर्जा मंत्री व नागपूर जिल्ह्याचे पालकमंत्री डॉ. नितीन राऊत यांनी आज केली.

हेही वाचा - महाविकास आघाडीचा तत्कालीन फडणवीस सरकारला दणका, 'नासुप्र' बरखास्तीचा निर्णय रद्द

डॉ. राऊत यांच्या हस्ते आज उत्तर नागपुरात विविध विकास कामांचे भूमिपूजन पार पडले. या विकास कामांवर १ कोटी १२ लाख रुपये खर्च होणार आहेत. यावेळी ते बोलत होते. मौजा वांजरी येथील हमीदनगरात मुस्लिम कब्रस्तान येथे सिमेंट रस्त्याचे (२०.१७ लाख) भूमिपूजन, मौज बिनाकीतील इंदिरानगरात संरक्षण भिंतीचे (१५.४० लाख) बांधकाम, मौजा बिनाकी येथील सिमेंट रस्त्याचे बांधकाम (१०.७८ लाख), मौजा नारी येथील मानवनगरात सुरेश पाटील व वर्षा शामकुळे यांच्या घरासमोर सिमेंटचा रस्ता (४८.४१ लाख) व मौजा इंदोरा येथील ग्रामीण पोलिस मुख्यालयासमोरील नागपूर स्लम को-आप. हाउसिंग सोसायटीत समाज भवनाच्या (१८.०७ लाख) भूमिपूजन डॉ. नितीन राऊत यांच्या हस्ते आज झाले.

यावेळी डॉ. राऊत म्हणाले, उत्तर नागपूरमध्ये अत्याधुनिक सोयींनी युक्त डॉ. बाबासाहेब आंबेडकर सुपर स्पेशालिटी हॉस्पिटल बांधले जाणार आहे. यामुळे चांगल्या आरोग्य सुविधांसाठी उत्तर नागपुरातील लोकांना आता मेडिकलवर अवलंबून राहावे लागणार नाही. 

हेही वाचा - ..म्हणून प्रदेशाध्यक्ष पदासाठी नाना पटोले हायकमांडच्या...

एवढेच नव्हे तर या हॉस्पिटलमध्ये एमबीबीएस व एमडीनंतर करावयाचे २६ अभ्यासक्रम सुद्धा सुरू केले जाणार आहे. चंडीगड येथील ऑल इंडिया मेडीकल सायन्सेसच्या धर्तीवर हे हॉस्पिटल राहणार असल्याचे डॉ. राऊत यांनी सांगितले.

संपादन - अथर्व महांकाळ