नागपूर : सतरंजीपुऱ्यातील कोरोना रुग्णाचा उपचारादरम्यान मृत्यू झाल्यानंर नागपुरात एकच खळबळ उडाली होती. त्यानंर प्रशासनाने तातडीने प्रतिबंधात्मक पावले उचललायला सुरुवात केली. तरीदेखील सतरंजीपुऱ्यातील परिस्थती हातात येत नसल्याने संपूर्ण परिसर सिल करण्यात आला. तरिदेखील रुग्णांची संख्या दिवसेंदिवस वाढत असल्याने प्रशासननाने अखेर संपूर्ण सतरंजीपुऱ्यातील नागरिकांनी विलगीकरणात दाखल करण्याची प्रक्रिया सुरू केली. त्यापाठोपाठ आणखी एका परिसरातील नागरिकांना सुद्धा विलगीकरणात दाखल करणे सुरू झाले आहे. 

मोमीनपुऱ्यातील एका कोरोनाबाधिताच्या मृत्यूनंतर महापालिकेने येथील नागरिकांनाही विलगीकरण केंद्रात पाठविण्याचा निर्णय घेतला. शुक्रवारी या परिसरातील सुमारे पन्नासवर नागरिकांना मनपा अधिकाऱ्यांनी विलगीकरणात पाठवले.

बुधवारी मोमीनपुरा येथील एका सत्तर वर्षीय वृद्धाचा कोरोना संसर्गमुळे मृत्यू झाला. या घटनेने महापालिका प्रशासन हादरले असून मोमीनपुऱ्यातील नागरिकांनाही विलगीकरण केंद्रात पाठविण्यासाठी पाऊले उचलली. या भागातूनही मोठ्या प्रमाणात कोरोनाबाधित आढळून आले. कोरोनाबाधितांच्या प्रत्यक्ष, अप्रत्यक्ष संपर्कात अनेकजण आले असण्याची शक्यता आहे.

- शरद पवारांच्या आग्रहातून आकाराला आले हे मंडळ... आता केले जातेय केवळ राजकारण

कोरोनाबाधिताच्या मृत्यूमुळे मनपाने उचलले पाऊल 
या पार्श्वभूमीवर महापालिकेने शुक्रवारी या भागातील नागरिकांनाही विलगीकरणात पाठविण्यात आल्याचे एका अधिकाऱ्याने नमूद केले. सतरंजीपुऱ्यात कोरोनाबाधिताचा मृत्यू अन् दररोज पॉझिटिव्ह रुग्णांची वाढती संख्या यामुळे येथील नागरिकांना सक्तीने विलगीकरण केंद्रात पाठविण्यात आले. आता मात्र महापालिकेने मोमीनपुऱ्यावर लक्ष केंद्रित केले आहे.