नागपूर : जिल्हा परिषद शिक्षकांच्या ३१ मे पर्यंत ऑनलाइन पद्धतीने बदल्या करण्याबाबतचे ग्रामविकास विभागाने आदेश काढले. शिक्षकांच्या बदलीबाबत यापूर्वीचा आदेश वादग्रस्त ठरला होता. त्यामुळे या शासन निर्णयात बदल करण्याची मागणी शिक्षक संघटना कडून सातत्याने करण्यात आली होती. त्यामुळे शासनाकडून जि.प. पुणे चे मुख्य कार्यकारी अधिकारी आयुष प्रसाद यांचे अध्यक्षतेखाली एक समिती नेमली होती. 

हेही वाचा - Well Treat Hospital Fire : आगीत चार रुग्णांचा होरपळून मृत्यू, मृतांची संख्या...

शासन निर्णयातील तरतुदीमध्ये बऱ्याच सुधारणा करून नवीन निर्णय तयार केला. नवीन निर्णय व मार्गदर्शक सूचनांनुसार सर्वसाधारण क्षेत्रात १० वर्षांची सेवा व एका शाळेत ५ वर्षांची सेवा पूर्ण करणारे तसेच अवघड क्षेत्रात ३ वर्ष सेवा पूर्ण करणारे शिक्षक बदलीसाठी पात्र ठरणार आहेत. त्यामुळे २०१८ च्या तुलनेत बऱ्याच कमी प्रमाणात बदल्या होणार असल्याचे सांगण्यात येते. कर्मचाऱ्याच्या जोडीदारास गंभीर आजार असल्यास अशा कर्मचाऱ्यांना लाभ मिळणार आहे. अवघड गावांची निश्चिती करण्याकरिता एकूण सात निकष दिले असून त्यापैकी तीन निकषाची पूर्तता करणाऱ्या गावाचीच अवघड क्षेत्रातील गाव म्हणून निश्चिती होणार आहे. 

हेही वाचा - Weekend Lockdown: राज्यात दोन दिवस कडक लॉकडाउन; वर्षभरापूर्वीच्या भीषण स्थितीचा येणार...

खोटी माहिती देणाऱ्यांचे निलंबन -
खोटी माहिती सादर करून संवर्ग १ व संवर्ग २ मध्ये बदलीचा लाभ घेतल्यास, अशा शिक्षकांना निलंबित करून त्यांच्यावर शिस्तभंगाची कारवाई सुरू करण्यात येणार आहे. 

वर्ष २०१८ च्या बदलतील रँडम व विस्थापित शिक्षकांकरिता सेवाज्येष्ठतेची अट न ठेवता त्यांना संवर्ग १ मध्ये बदलीची संधी द्यावी. बदली करिता सेवाज्येष्ठता पात्रता तारीख ३० जून गृहीत धरण्यात यावी. तसेच अवघड गावांची निवड करण्याबाबतचे निकष शिथिल करण्यात यावे. 
-लीलाधर ठाकरे, जिल्हाध्यक्ष, महाराष्ट्र राज्य प्राथमिक शिक्षक समिती जिल्हा.