नागपूर : शासकीय तंत्रशिक्षण महाविद्यालयातही मराठीतून तंत्रशिक्षण अभ्यासक्रमास नव्या सत्रापासून सुरुवात करण्यात येणार आहे. महाराष्ट्र राज्य तंत्रशिक्षण मंडळाने ग्रामीण भागातील विद्यार्थ्यांचा आत्मविश्वास वाढविण्यासाठी अभ्यासक्रम सेमी इंग्रजीमध्ये आणि इंग्रजी, मराठी माध्यमातून ऐच्छिक स्वरूपात राबविण्याचा निर्णय घेतला आहे.
अखिल भारतीय तंत्रशिक्षण परिषदेने राज्यातील अभियांत्रिकी अभ्यासक्रम मराठीतून सुरू करण्याचे निर्देश दिलेत. त्यानुसार नव्या सत्रांपासून अभियांत्रिकी अभ्यासक्रम मराठीतून देण्यात येणार आहे. त्यामुळे तंत्रशिक्षण अभ्यासक्रम मराठीतून शिकविण्याची शिफारस महाराष्ट्र राज्य तंत्रशिक्षण मंडळाचे संचालक डॉ. अभय वाघ यांच्याद्वारे सरकारकडे केली. त्यासाठी निवडक प्राचार्यांच्या विद्वत समितीद्वारे या शिफारशी मान्य करण्यात आल्या.
अभ्यासक्रमाची अंमलबजावणी करताना इंग्रजी भाषेबरोबरच मराठी भाषेचा वापर करण्यास तसेच प्रथम वर्ष पदविका अभ्यासक्रमासाठी उत्तरे मराठीतून लिहिण्यास मान्यता देण्यात आली आहे. या निर्णयाचा फायदा हजारो ग्रामीण तसेच शहरी विद्यार्थ्यांना होणार असून त्यांच्या निकालाची टक्केवारी सुद्धा वाढणार आहे. त्यानुसार शासकीय तंत्रशिक्षण या स्वायत्त महाविद्यालयामध्ये नव्या सत्रापासून सर्वच अभ्यासक्रमांचे शिक्षण मराठीतून देण्यास सुरुवात केली आहे.
कुठलीही गोष्ट मातृभाषेतून समजावून सांगितल्यास ती अधिक प्रभावी कळते. त्यामुळे तंत्रनिकेतन अभ्यासक्रम सर्वसामान्य विद्यार्थ्यांना कळावा यासाठी विद्यार्थ्यांना मराठीतून तंत्रनिकेतन अभ्यासक्रम शिकण्यास सुरुवात करण्यात आली आहे. त्यामुळे ग्रामीण आणि दुर्गम भागातील विद्यार्थ्यांना त्यांचा फायदा होईल.- डॉ. एम. बी. डायगव्हाणे, प्राचार्य, नागपूरच्या शासकीय तंत्रनिकेतन (स्वायत्त)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.