शिरपूर जैन : अचानक येणारा पाऊस, धुके त्यात तीव्र थंडीची लाट अशा बदलत्या हवामानामुळे शेतकऱ्यांची भिस्त असलेल्या हळद पिकाच्या उत्पादनाला फटका बसणार असल्याचे दिसून येत आहे. तसेच रब्बीचे गहू, हरभरा या पिकांचे सुद्धा उत्पन्न घटणार असल्याची चिन्हे दिसत आहे. त्यामुळे शेतकऱ्यांमध्ये चिंता दिसून येत आहे. अशा नैसर्गिक आपत्तीमुळे होणाऱ्या नुकसानीची भरपाई मिळावी अशी अपेक्षा शेतकरी वर्ग करीत आहे.
सध्या दिवसा ऊन तर रात्रीला थंडीचा पारा चांगलाच खाली येत आहे, मध्येच धुके त्याचा विपरीत परिणाम पिकावर होऊ लागल्याने तुरीचे कमालीचे घटलेले उत्पन्न त्यानंतर हळद सुद्धा करपत आहे. तर गहू देखील कमी होण्याची शक्यता निर्माण झाली आहे, त्यामुळे शेतकऱ्यांमध्ये चिंतेचे वातावरण निर्माण झाले आहे. कडाक्याची थंडी, धुके मध्येच पाऊस यामुळे एकूणच पिकावर विपरीत परिणाम होत असून खरिपातील सोयाबीन पीक हातचे गेले तर आता तुरीचे उत्पन्न अगदीच मोजके झाले.
आता शेतात उभे असलेले गहू, हळद पीक देखील वातावरणातील बदलामुळे नुकसानग्रस्त होऊ लागल्याचे दिसून येत आहे. त्याचा परिणाम पिकाच्या उत्पन्नावर होणार आहे. वातावरणातील कमालीच्या बदलामुळे हळदीची पाने वळू लागली आहेत तर गहू कमजोर होत आहे, त्यामुळे या दोन्ही पिकांच्या उत्पन्नात घट होण्याची शक्यता निर्माण झाल्याने शेतकरी वर्ग मोठ्या अडचणीत आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.