कोंढाळी (जि. नागपूर) : रस्त्याच्या बाजूला उभ्या असलेल्या ट्रेलरला भरधाव कारने जोरदार धडक दिली. यात एकाच कुटुंबातील तिघांचा मृत्यू (Three people died in car accident) झाला. तर एक जण गंभीर जखमी झाला. ही घटना नागपूर-अमरावती राष्ट्रीय महामार्गावरील बाजारगावनजीक शनिवारी (ता. १९) दुपारी १२ वाजताच्या सुमारास घडली. रोशन रामाजी तागडे (वय २८), राम रोशन तागडे (वय ४ महिने), आचल रोशन तागडे (वय २४) सर्व रा. कळमना, नागपूर अशी मृतांची नावे आहेत. तर जोया आकाश मेश्राम (वय ८) गंभीर जखमी झाली.

पोलिसांनी दिलेल्या माहितीनुसार, बाजारगावनजीकच्या अमरीश ढाब्याजवळ पुण्यावरून कळमेश्वरकडे लोखंडी कॉइल घेऊन जाणारा ट्रेलर चालकाने रस्त्याच्या बाजूला उभा केला होता. दरम्यान, कळमना येथील रोशन रामाजी तागडे हे कोंढाळी येथील लग्नसमारंभ आटोपून कोंढाळीवरून नागपूरकडे कारने जात होते.

अचानक रस्त्यावर उभा असलेला ट्रेलर पाहून रोशन यांचे कारवरील संतुलन (Road Accident) बिघडले. त्यामुळे ट्रेलरच्या मागील भागाला कारची धडक बसली. धडक इतकी जोरदार होती की, कारचा चेंदामेंदा झाला. चालक रोशन तागडे व मुलगा राम यांचा जागीच मृत्यू (Three people died in car accident) झाला. तर पत्नी व पुतणी गंभीर जखमी (One seriously injured) झाले. आचल तागडे यांचा नागपूर येथील मेडिकलमध्ये नेले होते. मात्र, उपचारादरम्यान त्याचा मृत्यू झाला.

अपघाताची माहिती मिळताच कोंढाळी पोलिसांनी घटनास्थळ गाठले. राष्ट्रीय महामार्ग मोकळा करून जखमींना नागपूर येथील रुग्णालयात दाखल करण्यात आले. ट्रेलर चालक राजेश ठवरे (वय ४५, रा. नागपूर) याच्यावर गुन्हा दाखल केला आहे. ठाणेदार चंद्रकांत काळे यांच्या मार्गदर्शनात भोजराज तांदूळकर तपास करीत आहेत.