नागपूर : राज्यातील देवस्थाने, धार्मिक स्थळे सरकारने सुरू करावी, यासाठी संत, महंत, आचार्य, धर्माचार्य, धार्मिक, अध्यात्मिक व सांप्रदायिक क्षेत्रातील मंडळी तसेच देवस्थाने, तीर्थक्षेत्रे यांवर ज्यांचा उदरनिर्वाह निगडीत आहे, ते व्यावसायिक उद्या राज्यभर आंदोलन करणार आहेत. शहरातील साई मंदिरासमोर भाजपचे शहराध्यक्ष आमदार प्रवीण दटके सकाळी ११ वाजता आंदोलन सुरू करतील. आणि त्याचवेळी भाजपचे प्रदेश महामंत्री चंद्रशेखर बावनकुळे कमाल चौकातील गुरुद्वारासमोर ‘मदिरा चालू मंदिर बंद, उद्धवा तुझा कारभारच धूंद’, अशा घोषणा देत हे घंटानाद आंदोलन करणार आहेत.
सामाजिक अंतर आणि नियमांसह राज्यातील देवस्थाने, धार्मिक स्थळे सुरू करून भजन कीर्तन व पूजनास परवानगी मिळावी. या मागणीकडे निद्रिस्त ठाकरे सरकारचे लक्ष वेधण्यासाठी उद्या सकाळी ११ वाजता राज्यात सर्वत्र देवस्थाने, मंदिरे, धार्मिक स्थळांसमोर 'घंटानाद आंदोलन' करणार आहेत. 'दार उघड उद्धवा दार उघड', 'दारू नको भक्तीचे दार उघड', 'मदिरा चालू मंदिर बंद, उद्धवा तुझा कारभारच धुंद', 'भक्तांना जेल, गुन्हेगारांना बेल', अशा घोषणा देत घंटानाद करणे असे या आंदोलनाचे स्वरूप असणार आहे. या घंटानाद आंदोलनास भारतीय जनता पार्टीचे महाराष्ट्र प्रदेशाध्यक्ष चंद्रकांतदादा पाटील यांनी पाठिंबा जाहीर केलेला आहे.
अनलॉकच्या काळात जनजीवन पूर्ववत करण्यासाठी महाविकास आघाडी सरकारने राज्यातील माॅल, मांस, मदिरा 'पूनःश्च हरी ओम' च्या नावाखाली सर्व काही चालू केले. मात्र संतांची भूमी असलेल्या महाराष्ट्रात ‘हरी’ ला मात्र बंदिस्त ठेवले आहे. संतभूमी असलेल्या महाराष्ट्रात मद्य मुबलक मिळते आहे आणि भजन पूजन करणाऱ्या भक्तांवर गुन्हे दाखल दाखल होत आहेत. भाविक भक्तांना जेल, गुन्हेगारांना बेल, असा ठाकरे सरकारचा कारभार सुरू असल्याचे आंदोलनकर्त्यांचे म्हणणे आहे.
महाराष्ट्रातील देवस्थाने, धार्मिक स्थळे खुली करण्याची मागणी सातत्याने होते आहे. केंद्र सरकारनेही ४ जून रोजी नियमावलीसह परिपत्रक जारी केले आहे. त्यानुसार देशभरातील बहुसंख्य प्रमुख देवस्थाने सुरू झालेली आहेत. राज्यातही सामाजिक अंतर पाळून आवश्यक नियम, अटी शर्तीसह देवस्थाने, धार्मिक स्थळे सुरू करण्याची तसेच भजन, कीर्तन व पूजन करण्याची आग्रही मागणी भाविकांकडून होते आहे. मात्र पूनःश्च हरी ओम म्हणून ठाकरे सरकारने हरीलाच बंदिस्त करून ठेवले आहे. ठाकरे सरकार कुंभकर्णी झोपेत आहे. सरकारला जागवण्यासाठी हे आंदोलन करणार सल्याचे सांगण्यात आले आहे.
संपादन - स्वाती हुद्दार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.