नागपूर - उपराजधानीत वाहनांची संख्या भरमसाठ वाढत आहे. गेल्या वर्षभरात तब्बल सव्वा लाखांवर नवीन वाहनांची भर पडली. २०२३ पर्यंत नागपूर शहर आणि पूर्व विभागात १९ लाख ५८ हजार वाहनांची नोंद झाली आहे. प्रत्येक महिन्याला सरासरी साडेसहा हजार वाहनांची भर पडत आहे. लोकसंख्येच्या प्रमाणात बघितले तर साठ टक्के वाहनांचे प्रमाण आहे. त्यामुळे वाहतूक कोंडी आणि पार्किंगचा प्रश्न निर्माण झाला आहे.
उपराजधानीत वाहनांची संख्या भरमसाठ झाल्याने वाहतुकीचा खोळंबा ही बाब नित्याची झाली आहे. अनेकवेळा कारण नसताना अचानक रस्त्यांवर वाहनांची संख्या वाढते आणि वाहतूक नियंत्रणात अडथळे निर्माण होतात. दिवसेंदिवस ही समस्या वाढत आहे.
शहरात २०१९ मध्ये १४ लाख ६८ हजार ४०७ वाहने होती. ही संख्या आता तब्बल २० लाख ५८ हजार ३२३ इतकी झाली आहे. गेल्या वर्षभरात एप्रिल २०२३ ते मार्च २०२४ या एकाच वर्षात ९० हजारांवर वाहने वाढली आहेत. वाहनांचे वाढीचे प्रमाण सरासरी ५ टक्के आहे. शहरात दोन परिवहन विभागाची कार्यालये आहेत. त्यात नागपूर शहरात १५ लाख ६७२ तर पूर्व नागपूर कार्यालयात ५ लाख ५७ हजार ५५२ वाहने आहेत.
गाड्यांच्या आवाजामुळे वाढू शकतो हृदयविकार, डायबेटिस आणि स्ट्रोकचा धोका असे धक्कादायक संशोधन समोर आले आहे. शहरात पूर्वी मेट्रो सेवा सुरु होईपर्यंत शहर बस सेवा होती, परंतु ती अपुरी होती. त्यामुळे साहजिकच एका घरात तीनचार दुचाकी अशी परिस्थिती वाढत गेली.
घरातील प्रत्येक सदस्यांना स्वतंत्र वाहन अशी गरज निर्माण झाल्याने शहरातील वाहनांची संख्या वाढली आहे. याशिवाय बॅंकांकडून मिळणारे सहज कर्जही वाहन वाढीला कारणीभूत ठरत आहे.
लोकसंख्येच्या तुलनेत वाहने शहरात ६० टक्के म्हणजे लोकसंख्या ही जवळपास ३० लाखांच्या घरात पोचली. वाहनांची संख्या २० लाख ५८ हजार ३२३ इतकी आहे. वाढत्या लोकसंख्येप्रमाणेच वाहनांचीही संख्या भरमसाठ वाढत आहे. हे गणित लक्षात घेतले शहरातील वाहतूक समस्या अक्राळविक्राळ स्वरूप धारण करणार आहे. शहरातील रस्ते, वाहतूक व्यवस्था आणि एकूणच शहराची स्थिती भविष्यात वाढत्या वाहनांच्या संख्येने अधिक चिंताजनकच होणार आहे.
वाहनाची संख्या
दुचाकी - १६,८६,९०५
चार चाकी कार - २, ०५, २४३
जीप - ४१५३४
ट्रक - १७३९१
ट्रॅक्टर - ६४५९
असे आहेत दुष्परिणाम
शहरात नेहमीचा वाहतूक खोळंबा
भरमसाट वाढणारे प्रदूषण
इंधनाचा अतिवापर
अपघातांच्या प्रमाणात वाढ
आवाजाचे वाढते प्रदूषण
आरोग्यावर दुष्परिणाम
पार्किंगची समस्या
पायी चालणाऱ्यांना त्रास
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.