नागपूर : विदर्भात उन्हाचे चटके दिवसेंदिवस वाढत असून, सलग तिसऱ्या दिवशी पाऱ्याने उसळी घेतली आहे. गेल्या तीन दिवसांत नागपूरच्या कमाल तापमानात दहा अंशांची वाढ होऊन, पाऱ्याने यंदाच्या मोसमातील उच्चांक गाठला. बुधवारपासून पावसाची शक्यता असल्याने नागपूरकरांना ऊन व उकाड्यापासून दिलासा मिळण्याची शक्यता आहे.

विदर्भात मंगळवारीही अपेक्षेप्रमाणे सूर्यनारायणाचा प्रकोप पाहायला मिळाला. बुलढाण्याचा अपवाद वगळता विदर्भातील सर्वच जिल्ह्यांच्या तापमानात लक्षणीय वाढ झाली. शनिवारी ३१.२ अंशांवर असलेला पारा तीन दिवसांत तब्बल १० अंशांनी चढून ४१.२ अंशांवर पोहोचला. यंदाच्या मोसमातील नागपूर हे सर्वाधिक तापमान होते.

विदर्भात सर्वाधिक तापमानाची नोंद चटके वाढले; पारा ४१ अंशावर चंद्रपूर येथे ४३.६ अंश सेल्सिअस इतकी करण्यात आली. याशिवाय ब्रम्हपुरी (४३.२), गोंदिया (४३.२), वर्धा (४३.०) आणि यवतमाळ (४३.०) येथेही उन्हाचा तडाखा जाणवला. उन्ह व उकाड्यामुळे नागरिक कमालीचे त्रस्त आहेत.

आजपासून वादळी पाऊस?

विदर्भात सध्या उन्हाची लाट असली तरी, `वेस्टर्न डिस्टर्बन्स''मुळे बुधवारपासून वातावरण बदलण्याची शक्यता आहे. कमी दाबाच्या पट्ट्यामुळे दोन-तीन दिवस पाऊस व ढगाळ वातावरण राहणार आहे. या काळात नागपूरसह काही जिल्ह्यांमध्ये मेघगर्जनेसह वादळी पावसाचा इशारा हवामान विभागातर्फे देण्यात आला आहे.