नागपूर ः गेल्या दोन वर्षांपासून राष्ट्रसंत तुकडोजी महाराज नागपूर विद्यापीठाद्वारे करण्यात आलेला ऑनलाइन पेमेंटचा संकल्प येणाऱ्या नव्या वर्षात पूर्ण होणार आहे. विद्यापीठाद्वारे सर्व प्रकारच्या शुल्काचा भरणा करण्याच्या उद्देशाने नव्या वर्षात ‘पेमेंट गेटवे’च्या माध्यमातून सोय उपलब्ध करून देण्यात येणार आहे. 

नक्की वाचा -'त्यांच्या' गाडीचा हॉर्न ऐकताच महामार्गावर जमतात असंख्य कावळे; याला दातृत्व म्हणावं की मैत्री

विद्यापीठाचे शैक्षणिक विभाग लॉ कॉलेज, बी.एड. कॉलेज, एमबीए विभाग लॉ चौक, एलआयटी, डॉ. बाबासाहेब आंबेडकर विचारधारा रामदासपेठ अशा विविध भागांमध्ये विभागले आहेत. मात्र, सर्व विद्यार्थ्यांना शैक्षणिक शुल्क भरण्यासाठी अमरावती मार्गावरील कॅम्पस येथेच सोय आहे. विद्यापीठ अनुदान आयोगाने सर्व प्रकारचे शुल्क हे ऑनलाइन पद्धतीने स्वीकारावे असे आदेश दिले होते. 

विद्यापीठाने आयटी रिफार्मच्या दिशेने पाऊल टाकले असले तरी अद्यापही ‘गेटवे पेमेंट’ सुरू न केल्याने विद्यार्थ्यांना समस्येचा सामना करावा लागत होता. बीए, बी.कॉम, बीएससीसारख्या अभ्यासक्रमात विविध शुल्क असल्याने त्याचे शुल्क कसे भरावे हा प्रश्‍न होता. मात्र, पदव्युत्तर अभ्यासक्रमाच्या प्रवेश प्रक्रियेत ‘ऑनलाइन पेमेंट’ योग्यरीत्या झाल्याने विद्यापीठाने ही प्रक्रिया तत्काळ सुरू करण्याचे ठरविले. 

जाणून घ्या - रामदेव बाबा गेले, अंबानी अडचणीत; मिहान, एमआयडीसीत उद्योजकांचा थंड प्रतिसाद

ऑफलाइन पेमेंटचीही सुविधा 

विद्यापीठाद्वारे "पेमेंट गेटवे'च्या माध्यमातून ऑनलाइन शुल्क भरण्याची सुविधा देण्यात आली तरी, यासोबत कुठलाही घोळ होऊ नये यासाठी ‘ऑफलाइन पेमेंट’ ची सुविधाही कायम ठेवण्यात येईल. ग्रामीण भागातील महाविद्यालये अद्यापही ‘डिमांड ड्राफ्ट’ (डीडी) रूपाने परीक्षा शुल्क भरत असल्याने त्यांच्यासाठी ही सोय कायम ठेवण्यात येईल.

संपादन - अथर्व महांकाळ