दवलामेटी (जि.नागपूर) : आठवा मैल परिसरातील सिद्धार्थ सोसायटीतील सुमंत गुणवंत पाटील या अकरावीतील विद्यार्थिनीने घरात गळफास घेऊन आत्महत्या केली. ही घटना रविवारी (ता. 16) उघडकीस आली. तिने मृत्यूपूर्वी लिहिलेल्या सुसाइड नोटमध्ये "सॉरी' म्हणून माफी मागितली. मृत्यूचे नेमके कारण न कळल्यामुळे विविध शंका उपस्थित केल्या जात आहेत.
 

अधिक वाचा :प्राध्यापक करायचा लैंगिक शोषण,पीडित विद्यार्थिनीने घेतला हा निर्णय

प्रिशा गेली होती शिकवणीवर्गाला
पोलिसांकडून मिळालेल्या माहितीनुसार, प्रिशा पाटील आयुध निर्माणी अंबाझरीच्या केंद्रीय विद्यालयात अकरावीची विद्यार्थिनी होती. रविवारी (ता. 16) दुपारी एकच्या सुमारास शिकवणी वर्गाला गेली. नंतर सायंकाळी साडेपाचला घरी परतली. लगेच ती तिच्या खोलीत गेली. तेव्हा तिचे आजोबा आणि आई घरीच होती. वडील कामानिमित्त बाहेर गेले होते. रात्री साडेनऊला तिचे वडील घरी आले. त्यांनी मुलीबद्दल विचारणा केली. आईने अभ्यास करत असल्याचे सांगितले.

अधिक वाचा : देवा किती रे निदर्यी तू? एकाच वेळी मायलेकीला बोलाविले

अन्‌ आईने फोडली किंकाळी
थोड्या वेळाने वडिलांनी मुलीला जेवणासाठी बोलाविले. दरवाजा आतून बंद असल्याने आईने प्रिशाला हाक दिली. वारंवार हाक देऊनही काहीच प्रतिक्रिया न आल्याने आईने खिडकीतून बघितले असता प्रिशाने पंख्याला गळफास घेतल्याचे दिसले. त्यांनी किंकाळी फोडली. शेजाऱ्यांच्या मदतीने दार तोडण्यात आले. लगेच वाडीतील एका खासगी रुग्णालयात नेले. मात्र, डॉक्‍टरने प्रिशाला मृत घोषित केले. प्रिशाने आत्महत्येपूर्वी "सुसाइड नोट' लिहिली होती. त्यात तिने "सॉरी' म्हणून सर्वांची माफी मागीतली. वाडी पोलिसांनी पंचनामा करून मृतदेह शवविच्छेदनासाठी पाठविला.