उमरेड (जि. नागपूर): सोमवार दिवस म्हणजे उमरेड शहरातील आठवडी बाजाराचा दिवस. तालुक्याचे ठिकाण तसेच विधानसभा क्षेत्र असल्यामुळे येथे मोठ्या संख्येने ग्रामीण भागातील जनता, शेतकरी, मजूरवर्ग खरेदीसाठी व अन्य कामाच्या निमित्ताने येत असतात. 

बाजारात भाजीविक्रेत्यांसोबतच इतर व्यापारी आणि खरेदीदार एकच गर्दी करतात. त्याच गर्दीचा फायदा घेत काही चोरटे बाजारात शिरकाव करतात. त्या चोरांच्या टोळीत महिलाही असतात. खरेदीदार वस्तू विकत घेण्यास मग्न असतो. अगदी त्याचवेळेस चोर त्यांच्याजवळील महागडे मोबाईल फोन, सोन्याचे दागिने खरेदीदारास बेमालूमपणे चोरून घेतात आणि मग सुरू होतो 

हेही वाचा - टिनाच्या शेडात पाच मुली, माय आणि आजी, चार महिन्यांपासून नाही अंघोळ 

आरडाओरडा. त्या बाजाराच्या परिसरात पोलिसांचादेखील राबता असतो, पण चलाख चोर त्यांना ‘चकमा’ देत चौर्यकर्म सिद्धीस नेतात. अशीच एक घटना सोमवारी घडली. 

तेव्हा मंगळवारी पेठेतील फिर्यादी महिला पुष्पा किशोर जिसनानी (वय-६०) संध्याकाळी ६ वाजताच्या सुमारास भाजी खरेदी करीत असताना आरोपी महिला चंद्रकला राजू पात्रे (वय५०, मेडिकल चौक , झोपडपट्टी नागपूर) हिने फिर्यादी महिलेची १५ ग्रॅम वजनाची ७५ हजार बाजारमूल्य असलेली सोनसळी हिसका मारून चोरत असताना फिर्यादी महिला तसेच भाजीविक्रेत्यांनी तिला रंगेहात पकडले. पोलिसांना सूचना देऊन कारवाईनंतर नागपूरच्या मध्यवर्ती कारागृहात तिची रवानगी करण्यात आली.