नागपूर ः भूताटकीचा धाक दाखवून बाधा दूर करण्याच्या नावाखाली आजारी मुलाच्या आईकडून पैसे उकळणाऱ्या तांत्रिक महिलेला एमआयडीसी पोलिसांना अटक केली. अखिल भारतीय अंधश्रद्धा निर्मूलन समितीच्या तक्रारीनंतर ही कारवाई करण्यात आली.
शबाना सौदागर रा. वानाडोंगरी असे तांत्रिक महिलेचं नाव आहे. दीपकनगर, गिट्टीखदान येथील रहिवासी माया फुलमाळी (६०) पेंशनर असणाऱ्या माया या स्वयंपाकाच्या कामालाही जातात. त्या मुलगा नितीन, सून आम्रपाली व तीन वर्षीय नाती दीक्षासोबत राहतात. नितीनची प्रकृती नेहमीच अस्वस्थ असते. माया यांच्या विहिनबाईंनी शबानाकडे नेऊन नितीनवर उपचाराचा सल्ला दिला होता.
ती जडीबुटी देऊन उपयार करीत असल्याचेही सांगीतले. त्यानुसार माया या तिच्याकडे गेल्या. मुलाच्या प्रकृतीबाबत सांगून उपाय करण्याची विनंती केली. तिने चमत्कारिक रित्या हातावर घर आखून भूतबाधा असे लिहिले. या चमत्कारावर माया यांचा विश्वास बसला. भूतबाधा दूर करण्यासाठी चार हजारांची मागणी केली.
त्यानंतर राख व उर्दूत काहीतरी लिहीलेली चिठ्ठी टाकून पाणी प्यायला दिले. यानंतर ती वेळोवेळी पैशांची मागणी करीत राहिली. सोबतच घरात गुप्त धन असल्याचे सांगून ते मिळवू देण्यासाठी पुन्हा २५ हजारांची मागणी केली.
पैसे देऊनही काहीच उपयोग होत नसल्याने फसवणूक झाल्याचे माया यांच्या लक्षात आले. त्यांनी अंनिसच्या कार्यकर्त्यांना झालेली हकीकत सांगितली. ते त्यांनासोबत घेऊन एमआयडीसी ठाण्यात गेले. पोलिसांनी जादूटोना विरोधी कायद्यान्वये गुन्हा नोंदवून घेत शबाना राहत असलेल्या घारावर छापा टाकला. तिथून शबानाला ताब्यात घेण्यात आले.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.