नागपूर : एक भला मोठा रंगमंच... त्यावर डौलदार नेपथ्य... डोळे विस्फारणारी नेत्रदीपक प्रकाश योजना... मन प्रसन्न करणारे संगीत... त्यावर अभिनयाचा जडलेला साज... या ना अशा अनेक माध्यमातून आपण आजवर कलेकडे बघत आलो आहे. मात्र, कोरोनाने घेतलेल्या एन्ट्रीनंतर या सर्व कलांनी एक्झिट घेतली आहे. त्यामुळे, रंगमंचावर भावनांना वाट करून देणाऱ्या या कलांसाठी नवे माध्यम निर्माण करण्याची गरज असल्याचे मत कला क्षेत्रातील तज्ज्ञांनी जागतिक कला दिनानिमित्त व्यक्त केले.

हेही वाचा - कुख्यात गुंडाच्या तब्बल सात शाळा, गुन्हेगारीच्या पैशातून उघडल्या शिक्षण संस्था

सर्व सांस्कृतिक कार्यक्रम व्हर्च्युअल पद्धतीने सादर होत असल्याने यामध्ये नेपथ्य, चित्रपटाचे सेट किंवा इतर ललित कलांना दुय्यम स्थान मिळत आहे. शिवाय, कोरोनामुळे जमाव किंवा प्रेक्षक एकत्रित येऊ शकत नसल्याने या कलेचा जीवंतपणाचा आस्वाद घेण्यासाठी कुठलाही वर्ग उपलब्ध होऊ शकत नाहीये. त्यामुळे, विविध कौशल्याने परिपूर्ण असलेले कलावंत आपली कला जगासमोर मांडण्यासाठी नव-नव्या माध्यमांचा शोध घेत आहेत.

हेही वाचा - तूरसह हरभरा डाळीच्या दरात वाढ, साखरही महागणार

नव्या पिढीच्या विचार करायचा झाल्यास चित्रकला, मूर्तिकला प्रदर्शन किंवा कार्यशाळा भरविणे सोशल मीडियामुळे एका हाताचा खेळ झाला आहे. मात्र, रंगांचे ज्ञान, कलेतील बारकावे, अचूकता शिकविण्यासाठी व प्रेक्षकांपर्यंत पोहोचविण्यासाठी अडचणी निर्माण होत आहेत. त्यामुळे, नव्या पिढीसह कलावंत घडविणाऱ्या कला शिक्षकांसमोर नवे आवाहन निर्माण झाले आहे.