Nagpur World Record: आई आणि ११ वर्षीय मुलानं एकाचवेळी अनोखा रेकॉर्ड केला आहे. या मायलेकाची इंडिया आणि एशिया बुक रेकोर्डमध्ये नोंद झाली आहे. नागपूरच्या मसराम कुटुंबातील मुलानं शंभर पानं वाचण्याचा तर आईनं संविधानातील कलम तोंडपाठ करण्याचा हा विक्रम आहे.

नेमका काय विक्रम केला?

11 वर्षीय शिवांशने पुस्तकातील 100 पानांवर अधोरेखित असलेले शब्द एका नजरेत पाठांतर करून न पाहता 8 मिनिट 5 सेकंदात अचूक सांगितले. तर शिवांशच्या आई सुप्रिया यांनी संविधानातील 75 कलमे तोंडपाठ वाचून दाखवत रेकॉर्ड नोंदवला.

वेगळी कॅटेगिरी केली तयार

दोन्ही रेकॉर्डमध्ये एकाच वेळी नाव नोंदवत या मायलोकानं हा आगळ वेगळा रेकॉर्ड केला, त्यामुळं त्यांचं कौतुक होत आहे. विशेष म्हणजे या रेकॉर्डसाठी इंडिया आणि एशिया बुक ऑफ रेकॉर्डमध्ये वेगळी कॅटेगरी तयार करावी लागली.