Young girl commits suicide in Nagpur 
नागपूर

आई आणि तिने मिळून निवडले तांदूळ अन्‌ वरच्या माळ्यावर निघून गेली

सकाळ वृत्तसेवा

नागपूर : दोन भावांची एक लाडकी बहीण... कुटुंब तसे गरीबच... वडिलांनी ऑटो चालवून तिन्ही मुलांना शिक्षण दिले. मुलगी वयात आल्यामुळे स्थळ शोधायला सुरुवात केली. दोन महिन्यांपूर्वी मुलीचे लग्न जुळले आणि महिनाभरापूर्वी साक्षगंधाचा कार्यक्रम पार पडला. सर्वकाही सुरळीत सुरू होते. घरात लग्नाची तयारी सुरू होती. अशातच मुलीने तणावातून आत्महत्या केली. सुरभी कुडवे (24, रा. वकीलपेठ, साउथ पॉइंट शाळेमागे) असे मृत मुलीचे नाव आहे. 

दोन भावांची एकुलती एक बहीण असल्याने सुरभी घरात सर्वांची लाडकी होती. वडील ऑटोचालक आहेत. त्यांनी मोठ्या परिश्रमाने तिन्ही मुलांचे शिक्षण पूर्ण केले. सुरभीने बीकॉमची पदवी घेतली. दोन महिन्यांपूर्वी तिचे लग्न ठरले आणि महिनाभरापूर्वी साक्षगंध झाले. 

घरी लग्नाची तयारी सुरू असल्याने आनंदाचे वातावरण होते. रविवारी दुपारी आई आणि तिने मिळून तांदूळ निवडले. दुपारी 3.35 वाजता ती वरच्या माळ्यावर गेली. सिलिंग फॅनला ओढणी बांधून तिने गळफास लावून लावला. काही मिनिटात आई काही कामानिमित्त वर गेली असता सुरभी गळफास लावलेल्या अवस्थेत दिसताच हंबरडा फोडला. यामुळे सुरभीचा लहान भाऊ आणि शेजारी मदतीला धावून आले. तिला तातडीने खाली उतरवून मेडिकलमध्ये नेले. पण, तोवर बराच उशीर झाला होता. डॉक्‍टरांनी मृत घोषित केले. 

माहिती मिळताच सुरभीसोबत संसाराचे स्वप्न रंगविणारा मुलगाही पॉंडेचरीहून विमानाने आला. थरथरत्या हाताने तिचे अंत्यदर्शन घेतले. दुपारनंतर सुरभीची अंत्ययात्रा काढण्यात आली. यावेळी उपस्थितांना हुंदके आवरणेही कठीण झाले होते. याप्रकरणी इमामवाडा पोलिसांनी अकस्मात मृत्यूची नोंद केली आहे. 

आता वेदना सहन होत नाही

सुरभीने मृत्यूपूर्वी लिहिलेली चिठ्ठी पोलिसांनी जप्त केली. त्यात तिने डोक्‍यात विचारांची गर्दी झाली आहे. यामुळे रोज रात्री हृदयात धाकधूक होते. त्याचा मला त्रास होतो. पण, आता कोणालाच त्रास देणार नाही. माझीच चूक आहे, मला माफ करा, अशा शब्दांत तिने आपल्या वेदना व्यक्त केल्या असून, मी अविचारी नसल्याचेही तिने स्पष्ट केले आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Tata Group: टाटा समूहात खळबळ! रतन टाटा यांचे सख्खे भाऊ जिमी टाटा यांचे नोएल टाटांवर गंभीर आरोप; म्हणाले...

IPL Retaintion झालं, आता लिलावापूर्वी कोणत्या संघाकडे किती पैसे अन् खेळाडूंची जागा शिल्लक? पाहा यादी

Pimpri Cyber Police : सायबर गुन्हेगारांना १२ हजार बनावट सिमकार्डचा पुरवठा; पिंपरी पोलिसांची मोठी कारवाई

सोने-चांदीच्या दरात विक्रमी घसरण! दहा दिवसांत सोने ७,४००, तर चांदी १५,९०० रुपयांनी स्वस्त

Pimpri Chinchwad politics : पिंपरी चिंचवड महापालिकेतील भाजपच्या सात स्वीकृत सदस्यांची निवड कशी होणार? विधानसभानिहाय सूत्राची चर्चा

SCROLL FOR NEXT