एटापल्ली : येथील वनविभागाच्या चेकनाक्याजवळ मुख्य रस्त्यावर नक्षल्यांनी बॅनर लाऊन गेल्या महिन्यात जहाल महिला माओवादी रमको व शिल्पा या पोलिस नक्षल चकमकीत ठार झाल्याच्या निषेधार्थ 19 मे रविवारी जिल्हा बंद पाळून घटनेचा निषेध नोंदवण्याचे आव्हान नागरिकांना केले आहे.

रामको व शिल्पा या दोन्ही महिला माओवादी भामरागड तालुक्यात पोलीस नक्षल चकमलकीत ठार झाल्याचा दावा पोलिसांनी केला होता. मात्र नक्षल्यांनी वेळोवेळी पत्रके व बॅनरमधून रामको व शिल्पा या दोघीनाही पोलिसांनी धोक्याने पकडुन ठार केल्याचे म्हटले असून घटनेच्या चौकशीची मागणी केली होती. 

गेली अनेक दिवसात नक्षल धुमाकुळ सुरु असून भारत बंद ठेवण्याचे आव्हान करणारे बॅनर लावल्यामुळे संपूर्ण तालुका नक्षली दहशतीच्या सावटा खाली असल्याचे दिसून येत आहे.