गडचिरोली : गेल्या आठवडाभरापासून गडचिरोलीसह संपूर्ण राज्यात नागेपल्ली येथील संशयित रुग्णाबाबत चर्चा सुरू झाली होती. प्रशासनाला संशयित रुग्ण आढळल्यानंतर तत्काळ पुढील संसर्ग टाळण्यासाठी आरोग्य विभागाच्या मार्गदर्शक सूचनांनुसार कार्यवाही करण्यात आली.
नागेपल्ली गावात आरोग्य विभाग, पोलिस प्रशासन, महसूल व ग्रामस्थ यांच्या समन्वयातून संपूर्ण संचारबंदी लागू करण्यात आली.
गावात येणाऱ्या प्रत्येक सीमा बंद करण्यात आल्या. गावातील व्यक्ती बाहेर नाही आणि बाहेरील व्यक्ती गावात नाही, याची दखल प्रशासनाकडून घेण्यात आली. संबंधित संशयित रुग्णाला भेटलेल्या व त्याच्या आजूबाजूच्या 50 लोकांना संस्थात्मक क्वारंटाइन करण्यात आले.
अहवालाची वाट न पाहता संशयित रुग्णाची लक्षणे मोठ्या प्रमाणात आढळून आल्याने याबाबत काळजी घेण्यात आली. जिल्हाधिकारी दीपक सिंगला व मुख्य कार्यकारी अधिकारी डॉ. विजय राठोड यांच्या मार्गदर्शनाखाली तर पोलिस अधीक्षक शैलेश बलकवडे यांच्या सहकार्याने या प्रक्रियेला गती मिळाली.
यामध्ये आशा, आरोग्य सेवक, तालुका आरोग्य अधिकारी व त्यांचे सर्व सहकारी यांनी गावात आरोग्यविषयक कामांना गती दिली. कोणत्याही प्रकारे संभावित संसर्ग होणार नाही, याची दखल घेण्यात आली. नागेपल्ली परिसरातील सर्व पेट्रोल पंप, सेवासदन दवाखाने, बॅंक, दुकाने प्रामुख्याने दोन दिवस बंद ठेवण्यात आली होती.
आरोग्य विभागाच्या 54 अधिकारी व कर्मचाऱ्यांच्या 23 टीमने नागेपल्ली येथे रुग्ण शोधमोहीम राबवली. संभावित संसर्ग टाळण्यासाठी गावातील 1098 घरांचे सर्वेक्षण पूर्ण केले. 4133 सदस्यांची तपासणी पूर्ण केली. यामध्ये त्यांना 3 लोकांना ताप आणि खोकला आढळून आला; तर एक वर्षाच्या आतील 60 मुलांचीही तपासणी करण्यात आली. 18 गरोदर महिलांनाही यावेळी आवश्‍यक उपचार करण्यात आले.
-
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.