चंद्रपूर : ताडोबा अभयारण्याला लागून असलेल्या अनेक गावांतील लोकांचा प्रमुख व्यवसाय बाबूपासून वस्तू तयार करून विकणे आहे. मात्र, काही वर्षांपासून या कारागिरांना नियमित बांबू मिळत नव्हता. त्यामुळे त्याच्या रोजगाराचा प्रश्न निर्माण झाला. ही बाब माजी केंद्रीय मंत्री हंसराज अहीर यांच्या लक्षात आली. त्यांनी व्याघ्र प्रकल्पाचे क्षेत्र संचालक डॉ. रामगावकर यांच्याशी चर्चा केली. चर्चेत त्यांना बाराही महिने बांबू देण्यातबाबत सकारात्मक निर्णय घेण्यात आला.
ताडोबा अंधारी व्याघ्र प्रकल्पालगत बोर्डा, निंबाळा, वायगाव, घंटाचौकी, झरीपेठ, पाहर्णी, हळदी, मोहुर्ली, देवाडा, अडेगाव, आगरझरी, जुनोना, डोणी ही गावे येतात. या गावांतील बहुतांश लोकांचा प्रमुख व्यवसाय बांबूपासून वस्तू तयार करून विकणे आहे. बांबू कारागिरांना मागील दीड वर्षांपासून वनविभागामार्फत बांबू उपलब्ध होत नसल्याने असंख्य कारागिरांचा रोजगाराचा प्रश्न निर्माण झाल होता.
याची व्यथा बांबू कारागिरांनी माजी केंद्रीय गृहराज्यमंत्री हंसराज अहीर यांच्याकडे मांडली. त्यांनी कारागिरांना सोबत घेऊन ताडोबा अंधारी व्याघ्र प्रकल्पाचे क्षेत्र संचालक डॉ. जितेंद्र रामगावकर यांची भेट घेतली. या भेटीत बांबू कारागिरांना तातडीने बांबू उपलब्ध करण्यासोबतच अन्य विषयांवर चर्चा झाली.
त्यात १२ महिने बांबू उपलब्ध करून देणे, कारागिरांवर ठराविक वस्तू तयार करण्याचे कोणतेही बंधन नसावे, जास्तीत-जास्त बांबू उपलब्ध करून देणे, परवानगी घेऊन वाहतूक करणाऱ्या गाड्यांची अडवणूक करू नये, गावातील कारागिरांना गावात वस्तू निर्मितीचे प्रशिक्षण देण्याबाबतच्या विषयावर चर्चा केली.
डॉ. रामगावकर यांनी येत्या दोन-तीन दिवसांत बांबू उपलब्ध करून देणार असल्याचे सांगितले. कारागीर कोणत्याही वस्तू तयार करू शकतील. त्यावर कोणतेही बंधने राहणार नाही. गावातील कारागिरांची नावे उपलब्ध करून दिल्यानंतर गावात त्यांना प्रशिक्षण देण्याचे आश्वासन त्यांनी दिले.
याप्रसंगी अंकुष झांकर, गुरुदास भोई, बाबूलाल नागवंशी, चेतन भोई, रावजी खैरवार, मारोती सुरपाम, चंदू चौधरी, राकेश कुमरे, राहुल कुळमेथे, सुरेश आत्राम, रामा आलाम, रमेश टेकाम, श्रीहरी सोयाम, संतोश दुपारे, गणेश किन्नाके, मिथून घोडाम, अशोक गावंडे यांच्यासह शेकडो कारागीर हजर होते.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.