अकोला : ओव्हरटेक करण्याच्या प्रयत्नात असलेला आयशर ट्रक समोरील वाहनावर आदळून झालेल्या भीषण अपघातात कार मधील चालकाचा घटनास्थळी मृत्यू झाला आहे.
ही अपघाताची घटना राष्ट्रीय महामार्गावरील कलकत्ता ढाब्या जवळ काल रात्री साडे दहा वाजताच्या सुमारास रिधोरा नजीक घडली.

बाळापूर येथील उमाळे कूटूंबीय अकोला येथून बाळापूर करीता एम एच १४ एफ जी ९५१९ या वाहनाने निघाले होते. दरम्यान सदर वाहन रिधोरा जवळील कलकत्ता ढाब्या जवळ पोचताच समोरुन येणाऱ्या आयशर क्र. एमएच ०५ डि के ०९६० या ट्रकने धडक दिल्याने विचित्र अपघाताची घटना घडली. त्यामुळे कार मधील सचिन उमाळे वय (३५) हा चालक जागीच ठार झाला. व वाहनातील अन्य तीन जण किरकोळ जखमी झाले.

अपघाताची माहिती मिळताच बाळापूर पोलीस ठाण्याचे बिट जमादार राजेश सोळंके, वाहतूक पोलीस कर्मचारी शिंदे, गजानन देशमुख हे पोलीस कर्मचारी घटनास्थळी दाखल झाले. अपघातामुळे महामार्गावरील वाहतूक एक तास ठप्प झाली होती.

महामार्ग मदत पथकाचे मदतकार्य
रिधोरा येथील अपघात मदत केन्द्राचे प्रमुख व पोलीस पाटील सुजय देशमुख व त्यांच्या सदस्यांनी अपघातग्रस्त वाहने महामार्गावरून बाजूला करून मदतकार्य राबविले. या प्रकरणी आयशर चालक रामपाल गुप्ता रा. मुंबई याला पोलिसांनी ताब्यात घेतले आहे. हा आयशर मुंबई हुन जबलपूर कडे जात होता.