एटापल्ली (गडचिरोली) : तालुक्यातील हालेवार पोलिस स्टेशन हद्दीतील माता चंद्राखंडी मंदिर देवस्थानापासून कारमपल्ली गावापर्यंत मुख्य रस्त्यावर शुक्रवारी (ता.17) मध्यरात्री दरम्यान नक्षल्यांनी पत्रके टाकून गेल्या महिन्यात जहाल महिला माओवादी रामको नरोटी व शिल्पा दूर्वा यांना पोलिसांनी खोट्या चकमकीत ठार केल्याच्या निषेधार्थ 19 मेला (रविवार) जिल्हा बंद पाळून घटनेचा व शासनाच्या धोराणांचा निषेध नोंदवण्याचे आव्हान करणारे माडिया आदिवासी भाषेतील पत्रके आढळून आली आहेत.

सदरची पत्रके तेंदूपाने संकलन करणाऱ्या मजूरांना शनिवारी (ता. 18) सकाळी दरम्यान आढळून आली, रामको व शिल्पा या दोन्ही महिला माओवादी भामरागड तालुक्यात पोलीस नक्षल चकमलकित ठार झाल्याचा दावा पोलिसांनी केला होता. मात्र नक्षल्यांनी वेळोवेळी पत्रके व बँनरमधून रामको व शिल्पा या दोघीनाही पोलिसांनी धोक्याने पकडुन ठार केल्याचे म्हटले असून घटनेच्या न्यायालयीन चौकशीची मागणी करण्यात आली आहे.

गेली अनेक दिवसात नक्षली धुमाकुळ सुरु असून गडचिरोली बंद ठेवण्याचे आव्हान करणारी पत्रके जिल्ह्यात सर्वत्र टाकून नागरिकांमध्ये दहशत पसरवण्यात येत आहे.