अमरावती : अमरावती परिक्षेत्राच्या नियंत्रण कक्षात कार्यरत पोलिस हेडकॉन्स्टेबल संजय सुरोशे (वय 48 रा. शेगाव) यांचे हृदयविकाराच्या तीव्र झटक्‍याने निधन झाले. शुक्रवारी (ता. 13) दुपारी दीड ते दोनच्या सुमारास ही घटना घडली. ते शुक्रवारी (ता. 13) दुपारी दोन वाजता ड्यूटीवर जाण्यासाठी निघाले असताना, घरीच त्यांची प्रकृती बिघडल्यामुळे त्यांचा मृत्यू झाला. श्री. सुरोशे हे अमरावती ग्रामीण पोलिस दलात कार्यरत होते. चार दिवसांपूर्वी आयुक्तालयातील गाडगेनगर ठाण्यात कार्यरत एका हेडकॉन्स्टेबलचाही हृदयविकाराच्या झटक्‍यामुळेच मृत्यू झाला होता. चार दिवसांत पोलिसाचा हृदयविकाराने मृत्यू होण्याची ही दुसरी घटना आहे.