तुमसर : कोरोना संसर्गामुळे संपूर्ण भारतात संचार बंदी लागू करण्यात आली आहे. या बंदीमुळे अनेक नागरिकांना आपल्या गावी परतण्यास अनेक अडचणी येत आहे. मध्यप्रदेशातील काही नागरिक नागपूर येथे संचारबंदीमध्ये अडकले होते. त्यांना परत जाण्याकरिता कोणतेही वाहन मिळत नसल्याने व नागपूरला थांबण्याकरिता पैसे नसल्याने त्यांनी पायी प्रवास करण्याचा निर्णय घेतला व ते नागपूरवरून तुमसरमार्गे जात असताना सामाजिक कार्यकर्त्या श्रद्धा सम्रीत व लक्ष्मी सम्रीत यांना ते तहानलेल्या व्याकुळ अवस्थेत दिसले.
ते अनोळखी असल्याने त्यांना कोणतेही स्थानिक घरी येऊ देत नव्हते व कोरोना संसर्गाच्या भीतीने त्यांचा जवळही येऊ देत नव्हते. सर्व हॉटेल व खानावळी बंद असल्याने त्यांना अन्न व पाणी मिळत नसल्याने ते व्याकुळ झाले होते त्यामुळे त्यांनी पोलिस नायक तुमसर मनोज भुते यांना संपर्क केला व या प्रवाशांची व्यवस्था करण्यासाठी पुढाकार घेतला.
माणुसकीची ओळख
मनोज भुते यांनी या प्रवाशांची संख्या व ओळख पटवून घेतली आणि सामाजिक कार्यकर्त्यांच्या मदतीने या सर्व प्रवाशांना मोकळ्या जागी बसवून त्यांना नाष्टा व पाण्याची सोय करून दिली आणि या संचारबंदीच्या काळात यांनी माणुसकीची ओळख करून दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.