गडचिरोली : पोलिस वाहनचालकाचा (police vehicle driver murder) अज्ञात व्यक्तीने धारदार चाकूने गळा कापून खून केला आहे. ही घटना अहेरी तालुक्यातील नागेपल्ली (nagepalli of gadchiroli) येथील वॉर्ड क्रमांक २ मध्ये रविवारी (ता. ४) रात्री घडली. या खुनामुळे परिसरात व पोलिस विभागात (gadchiroli police) मोठी खळबळ उडाली आहे. जगन्नाथ सिडाम (वय ५३) असे खून झालेल्या पोलिस वाहनचालकाचे नाव आहे. (police vehicle driver murder by unknown person in gadchiroli)

जगन्नाथ सिडाम हे भामरागड तालुक्यातील धोडराज पोलिस मदत केंद्रात कार्यरत होते. रविवारी रात्री ते नागेपल्ली येथील आपल्या राहत्या घरी झोपून असताना अज्ञात मारेकरूने त्यांच्या घराचा दरवाजा ठोठावून त्यांना उठविले व काही कळण्याच्या आतच धारदार चाकूने त्यांचा गळा कापला. त्यामुळे मोठ्या प्रमाणात रक्तस्त्राव झाला. त्यांना चंद्रपूर येथे उपचारासाठी नेले असता डॉक्टरांनी त्यांना मृत घोषित केले.

घटनास्थळी अहेरीचे उपविभागीय पोलिस अधिकारी विशाल ठाकुर, पोलिस निरीक्षक प्रवीण डांगे हे श्वान पथकासह दाखल झाले आहेत. या घटनेचा पुढील तपास सुरू आहे.